Filipçe: Maqedonia në vendin e 41-të në Evropë për BPV-në për banor, FMN-ja rrëzon pretendimet e Mickoskit

Kryetari i LSDM-së, Venko Filipçe, deklaroi se Maqedonia e Veriut renditet në vendin e 41-të nga gjithsej 48 ekonomi evropiane për BPV-në e projektuar për kokë banori, duke iu referuar projeksioneve të Fondit Monetar Ndërkombëtar (FMN).

Sipas Filipçes, këto të dhëna dëshmojnë gjendjen reale të ekonomisë së vendit dhe, siç tha ai, hedhin poshtë pretendimet e kryeministrit Hristijan Mickoski për një ekonomi që renditet ndër të tretat më të mira në Evropë, si dhe deklaratat për rritjen më të shpejtë të pagave dhe pensioneve.

„Çfarë ekonomie e tretë? Maqedonia është në fund të Evropës. Sipas FMN-së, Maqedonia renditet në vendin e 41-të ndërmjet 48 ekonomive evropiane për BPV-në e projektuar për kokë banori. Projeksionet e FMN-së tregojnë se BPV-ja për banor në Maqedoni do të jetë 11.762 dollarë. Nga vendet e rajonit, para nesh janë Serbia, Mali i Zi dhe Shqipëria. Kjo është ajo që LSDM-ja e thotë gjatë gjithë vitit të fundit, ndërsa tani konfirmohet edhe nga FMN-ja“, deklaroi Filipçe.

Ai theksoi se Maqedonia mbetet shumë prapa ekonomive më të pasura evropiane, ndërsa qytetarët, sipas tij, çdo ditë i ndiejnë pasojat e kësaj diference.

„Dallimi me ekonomitë më të pasura evropiane mbetet i madh. Kjo është gjendja reale e ekonomisë maqedonase, jo përrallat e Mickoskit për ekonominë e tretë në Evropë dhe as gënjeshtrat për rritjen më të shpejtë të pagave dhe pensioneve. Çmimet janë në kulm, ndërsa pagat stagn­ojnë. Shporta konsumatore, së bashku me shpenzimet e banimit, arrin në 90 mijë denarë dhe as tri paga nuk mjaftojnë për të mbuluar shpenzimet mujore“, tha Filipçe.

Kreu i LSDM-së shtoi se, sipas tij, pas propagandës së pushtetit fshihet një politikë ekonomike që rrit borxhin publik, varfëron qytetarët dhe nuk ofron perspektivë.

„Realiteti është se për dy vjet kemi katër miliardë euro borxhe të reja. Realiteti është se njerëzit jetojnë më keq. Realitet është edhe shtrenjtimi i paralajmëruar i ngrohjes qendrore dhe energjisë elektrike. Realiteti është se nuk ka rritje të pagës minimale, por vetëm përralla“, përfundoi Filipçe.

Deklaratat janë qëndrime të kryetarit të LSDM-së, Venko Filipçe, të cilat i atribuohen atij. Flaka

• 
• 
• 
• 
• 
• 
• 

242

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Qeverisja aktuale VMRO-VLEN

169

Qeverisja e kaluar LSDM-BDI

53

Nuk kam informacion të mjaftueshëm për të gjykuar

20