Jashtë burgjeve janë 238 të dënuar – më në fund Drejtoria bën të ditur numrin zyrtar
Botuar nga Driton Zenku
Drejtoria për ekzekutimin e sanksioneve në përgjigje për “Focus” më në fund ka shpallur zyrtarisht numrin e të dënuarve që janë jashtë burgjeve në mbarë Maqedoninë. Kjo çështje u hap pas vrasjes së biznesmenit më 20 gusht në qendrën tregtare “Mavrovka” në Shkup, përcjell FLAKA.
Ai u qëllua nga një i burgosur i cili më 15 prill mori një fundjavë të lirë nga burgu “Idrizovë”, por nuk u kthye atje derisa u arrestua pas vrasjes së rëndë. Siç ka raportuar “Focus”, i dyshuari i parë për vrasjen është dashur të jetë në burg deri në vitin 2032, por në vend që të jetë në burg, fillimisht është arratisur nga burgu në Prilep, më pas është kapur me armë pa leje, e më pas kryen vrasjen.
Pothuajse një muaj më parë “Focus” i dërgoi pyetje Drejtorisë për numrin e saktë të të dënuarve të arratisur nga të gjitha burgjet dhe dje morëm një përgjigje. Sipas të dhënave nga Drejtoria, deri më 10 shtator të këtij viti në arrati nga burgjet në të gjithë vendin janë 238 persona.
Shumica prej tyre janë jashtë burgut “Idrizovë” dhe “Shkup” në Shutkë, pra gjithsej 182 persona, të tjerët janë nga burgjet tjera.
“Një pjesë shumë e vogël e të dënuarve arratisen ndër vite dhe nuk kthehen në institucion. Në shumicën e rasteve lirohen për të përdorur një lehtësi të caktuar që e kanë përfituar ligjërisht, duke pasur parasysh sjelljen dhe pjesën e dënimit të vuajtur, si dalje falas nga institucioni deri në shtatë orë, pushim deri në 15 ditë gjatë vitit dhe shfrytëzimi i plotë ose i pjesshëm i pushimeve jashtë institucionit.
Deri më 10 shtator 2024, gjithsej 238 persona janë në arrati nga IEVP “Idrizovë” 133 persona, ndër të cilët 24 persona nuk janë kthyer që nga përfundimi i dënimit me burgim dhe 25, gjithsej persona janë në arrati nga IEVP “Shkup”, thuhet në përgjigjen e Drejtorisë për “Focus”.
Ministri i Punëve të Brendshme, Pançe Toshkovski, në një intervistë televizive pas vrasjes ka treguar se gjatë vitit të kaluar dhe këtë vit vetëm nga burgu “Idrizovë” dhe “Shkup” janë arratisur në Shutkë rreth 200 të burgosur.
Për këtë ai fajësoi ish-njerëzit e parë të Byrosë për Siguri Publike dhe dy IEVP të vendosura në këto pozita, siç tha ai, nga autoritetet e LSDM-së dhe BDI-së.
“Dua të bëj një pyetje – pse 200 persona u arratisën nga burgu gjatë drejtimit të drejtorit të mëparshëm të BJB-së gjatë viteve 2023 dhe 2024. Pse u arratisën 200 veta nga Shutka dhe Idrizova në kohën e drejtorëve të mëparshëm të Shutkës dhe Idrizovës. Mos i liruan rastësisht? Nëse nuk i linin me qëllim”, pyeti Toshkovski.
Për gjetjen dhe kthimin e të arratisurve nga burgu, Toshkovski ka bërë të ditur se janë duke filluar një aksion operativ, i cili do të ketë në fokus sigurinë e Shkupit.
“Po e nisim një aksion të posaçëm operativ, i cili do të duhet të fokusohet ekskluzivisht në sigurinë e qytetit të Shkupit dhe qytetarëve të Shkupit, aksion operativ, i cili do të sigurojë prani të shtuar të policëve në terren. Ta dinë qytetarët se kjo është për shkak se ne duam ta sjellim situatën e sigurisë ashtu siç duhet”, tha Toshkovski.
Sipas informacioneve që na kanë dhënë drejtorët e dy burgjeve, mund të konkludohet se prej vitesh mbi 100 të dënuar ndodhen jashtë dy burgjeve më të mëdha.
Drejtori i “Idrizovës”, Zoran Jovanovski, ka sqaruar se që nga themelimi i burgut, një person është arratisur, ndërsa gjithsej 110 persona nuk janë kthyer pas një fundjave të lirë, pushimeve vjetore dhe shtatë orësh liri.
Ai vëren se ky numër është i ndryshueshëm dhe çdo javë ka dikush që nuk kthehet. Ministria e Punëve të Brendshme arreston disa prej tyre dhe i kthen, por disa mbeten në kërkim.
Drejtori i burgut “Shkup” në Shutkë, Aleksandar Utkovski thotë se nga viti 2015 e deri më sot janë në arrati 27 persona, shifër kjo që përfshin të arratisurit dhe ata që nuk janë kthyer nga fundjava e lirë e të ngjashme.
Drejtori i Drejtorisë, Aleksandar Pandov, i pyetur nëse kanë numëruar se sa të dënuar kanë ikur nga burgjet në vend, tha se kanë një numër të vogël të të dënuarve që kanë bërë arratisje klasike.
“Por rreth 120 deri në 130 të dënuar po trajtohen si të arratisur, pasi me ligj u është dhënë pushimi i fundjavës, por nuk janë kthyer në burgje për të vazhduar dënimin me burg.
Në vitet e kaluara e kam fjalën për katër-pesë vjet, të cilët janë liruar me pushime ose në fundjavë dhe nuk janë kthyer në burgje”, tha Pandov. FLAKA
Botuar nga Driton Zenku
Shkollat po mbyllen, fshatrat po zbrazen: alarmi demografik në Maqedoninë e Veriut
BALLKANI SOT
