Në mesin e të arrestuarve janë edhe ish krerët e EMV-së Vasko Kovaçevski dhe Ardijan Muça

29 persona janë të dyshuar për organizimin e një shoqërie kriminale për abuzim me një thirrje publike për blerjen e aditivëve, duke shkaktuar një dëm prej 6.5 milionë eurosh. Në mesin e të arrestuarve janë edhe ish krerët e EMV-së Vasko Kovaçevski dhe Ardijan Muça.

Vasko Kovaçevski, ish-drejtori i EMV-së dhe ish-anëtar i Bordit të Drejtorëve të kompanisë, është një nga emrat e njohur që janë përfshirë në aksionin e sotëm të Ministrisë së Punëve të Brendshme për zbardhjen e disa veprave të lidhura me krimin e madh në RЕК Manastir, në TЕC Oslomej dhe TЕC Negotino, për të cilat është folur prej kohësh.

Drejtori komercial i EMV-së, Ardijan Muça, është i dyshuar për veprën penale “Abuzim me pozitën zyrtare”.

Me aksionin masiv të MPB-së janë përfshirë gjithsej 29 individe dhe 4 persona juridikë nga Velesi, Negotina, Manastiri, Kërçova dhe Shkupi.

Përveç Kovaçevskit, i dyshuar për veprën penale “Pakujdesshëm në detyrë”, në listën e të dyshuarve është edhe Vasko Stefanov, i cili e ka pasuar Kovaçevskin në pozitën e drejtorit të përgjithshëm të EMV-së.

Me aksionin është përfshirë gjithashtu Pece Matevski nga Manastiri, ish-drejtori i RЕК Manastir. Stefanov dhe Matevski dyshohet se kanë ndihmuar në abuzimin e procedurës për thirrjen publike, si anëtarë të një shoqërie kriminale.