Atentati në Tetovë, atentarori mbetet i pakapshëm për Policinë|VIDEO
Botuar nga Flaka
“Në orën 22:45 minuta, personi M. T. nga Tetova, në SPB Tetovë ka raportuar se një person i panjohur ka shtënë me armë zjarri nga një veturë në lëvizje në shtëpinë e tij në Tetovë. Deri më tani nuk ka raportime për persona të lënduar. Po merren masa për zbardhjen e rastit”, thonë nga SPB Tetovë, njofton Flaka Media.
Nuk bëhet i ditur identiteti i dorasit, por siç mësohet ai është në arrati dhe mbetet i pakapshëm deri më tani nga organet e rendit.
Kujtojmë që para pak minutash krisma kallashnikovi janë dëgjuar ne Tetove. Jo zyrtarisht, flitet për atentat dhe ndërlidhje me rastin e ndodhur kohë më parë në Spitalin e Tetovës mes dy grupeve dhe ku pati edhe viktima.
Sipas informatave të para të cilat nuk janë të konfirmuara, dyshohet se incidenti vjen si vazhdimësi e incidentit të muajve më parë në Spitalin e Tetovës.
Fatmirësisht, informatat e para nga vendngjarja flasin se nuk krismat që shqetësuan banorët e Tetovës, nuk ka të plagosur apo viktima.
Policia ka dal në vendngjarje dhe po heton rastin. Jo zyrtarisht, mësohet që një person nga fshatu Gajre ka gjuajtur me kallashnikov drejt shtëpisë së familjes së Terzive dhe ka lishur vendin e ngjarjes.
Aktualisht, Policia ka bllokuar bulevardin “Ilinden”, ndërkaq deri më tani ka gjetur 5 gëzhoja plumbash. Po kontrollohen automjete, sigurohen dëshmi të cilat do të shfrytëzohen për dokumentimin e krimit.
Kujtojmë që vrasja para spitalit kishte nisur nga Gjykata e Tetovës. Para tre muajve me 11 janar 2024 para Spitalit të Tetovës me armë zjarri u plagosën dy vëllezër, njëri prej të cilëve ndërroi jetë disa ditë më vonë. Policia aso kohe tha se për këtë rast janë të dyshuar pesë persona, katër prej të cilëve u arrestuan. Flaka Media
Botuar nga Flaka
TË fundit
