Mickoski hesht për përfshirjen e PDSH-së në shumicën parlamentare

Pas largimit të Arben Taravarit nga qeveria, disa poste në eshalonin e parë qeveritar ende nuk janë plotësuar, raporton TV21. Pas emërimeve të Azir Aliut si ministër i Shëndetësisë dhe Albrim Hoxhës si zv/ministër i Bujqësisë, pozita e zv/ministrit të Mbrojtjes vazhdon të mbetet e lirë. Këtë post e mbante më parë Elfete Ismaili nga ASH-Taravari.

Në lidhje me mundësinë që PDSH-ja e Menduh Thaçit të bëhet pjesë e shumicës parlamentare në këmbim të këtij posti, kryeministri Dimitar Mickoski tha:

“Nuk do të mund të thosha, për shkak se asgjë nuk është sigurt, asgjë nuk është përfundimtare. Kur të jetë përfundimtare, mediumet dhe publiku do të informohen,” u shpreh shkurt Mickoski.

Qytetarët dhe mediat mbeten në pritje të vendimeve të reja lidhur me ndryshimet në strukturën e qeverisë.