Shkolla e re e Vizbegut nis të amortizohet! Bie dritarja dhe një pjesë e tavanit, muret krisen
Botuar nga Driton Zenku
S’ka dy javë që është hapur shkolla e re e Vizbegut, por dritaret nisën t’i bien. Madje kjo ka lënduar mirëmbajtësen e higjienës.
Incidenti ka ndodhur dje rreth orës 14, kur nuk ka pasur nxënës në klasë.
Përveç dritares ka rënë edhe një pjesë e tavanit të një klase, ndërsa në disa pjesë muret janë plasaritur.
Edhe pse nuk ka siguri për nxënësit që mësojnë këtu, drejtori Kadri Elezi, thotë se do të vazhdojnë me mësimin.
Për të parë gjendjen e shkollës shkoi kryetari i Butelit, Darko Kostovski, i cili akuzoi kompaninë “Hilding” se ka punuar me material të dobët. Theksoi se tenderin për ndërtim e ka dhënë Qeveria e kaluar, ndërsa kërkon që përgjegjësinë ta mbajë ministria dhe mbikëqyrësi i punimeve, pasi sipas tij, siç është ndërtuar, ka gjasa që të jetë ndonjë tragjedi.
Sali Elmazi, inxhinier në kompaninë “Holding” i pyetur për akuzat, na tha se pas disa ditëve do të dalin me një deklaratë më të detajuar në lidhje me ndërtimin, ndërsa sa i përket dritares, tha se mund të ishte hapur më tepër sesa duhet.
Pranimi teknik është bërë nga ana e Komunës së Butelit, ndërsa mbikëqyrja e punimeve nga Ministria e Arsimit dhe Shkencës. kërkuam përgjigje edhe nga Ministria nëse do të ndërmarrin ndonjë gjë, por nuk morëm përgjigje.
Botuar nga Driton Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
