Gabimet më të shpeshta që i bëni kur i lani rrobat në lavatriçe

Larja e teshave në rrobalarëse më së shumti duket si një punë e thjeshtë, por në mënyrë që e njëjta lavatriçe të funksionojë me efikasitet dhe rrobat të mos dëmtohen, duhet t’u kushtoni vëmendje gabimeve të përditshme, për të cilat shumë njerëz shpesh nuk janë as të vetëdijshëm gjatë kryerjes së kësaj pune të shtëpisë.

Përdorni shumë detergjent rrobash
Ndoshta shtimi i më shumë detergjenti gjatë larjes së rrobave në makinë duket si një ide e mirë, por fatkeqësisht sasia më e madhe nuk do t’i lajë rrobat më mirë. Detergjenti i tepërt mund të krijojë shkumë shtesë duke mos i larë plotësisht rrobat, duke lënë një mbetje ngjitëse që tërheq papastërtitë dhe bakteret. Prandaj, ndiqni gjithmonë udhëzimet për sasinë e detergjentit që vendosni në makinë.

Nuk i renditni rrobat sipas materialit
Ndarja e rrobave me ngjyrë të çelët nga ato të errëta është e njohur, mirëpo a e dini se është mirë t’i ndani rrobat sipas materialeve? Materialet e vrazhda si xhinset duhet të ndahen nga p.sh. këmisha për të shmangur dëmtimin e disa rrobave. Në këtë mënyrë edhe rrobat tuaja do të thahen më mirë.

Nuk i mbyllni zinxhirët përpara se t’i lani rrobat
Zinxhirët kanë skaje të dhëmbëzuara që mund të kapin pëlhura të tjera në makinë. Për të zgjidhur këtë problem, mjafton t’i mbyllni ato përpara se t’i vendosni rrobat në makinë. Kjo vlen edhe për veshje të tilla si sutjenat që kanë kapëse të mprehta.

I kopsoni këmishët përpara se t’i lani
Ndryshe nga veshjet me zinxhir, këmisha duhet të lihet e pa kopsuar kur lahet. Kjo ndihmon në mbrojtjen e vrimave të butonave nga plasaritja dhe mbron fillin ku ndodhet butoni.

Keni harruar t’i pastroni qimet nga rrobalarësja
Grumbullimi i qimeve në makinën larëse mund të bllokojë filtrin e saj. Kjo zonë mund të përmbajë qime shtesë që bllokojnë rrjedhën e ajrit dhe në këtë mënyrë reduktojnë efikasitetin e larjes.

Nuk e pastroni rregullisht lavatriçen
Edhe pse lavatriçja i lan rrobat tuaja, kjo nuk do të thotë se vet makina nuk ka nevojë të lahet. Mbetjet e detergjentit, myku dhe uji i ndotur kalojnë nëpër të, ndaj është e nevojshme të pastrohet periodikisht. Nëse makina juaj ka një opsion vetëpastrimi, ndizni atë. Filtrat dhe sirtari ku e vendosni detergjentin dhe zbutësin e rrobave gjithashtu kanë nevojë për mirëmbajtje të rregullt.