Mickoski: 80 komuna kanë dorëzuar rreth 900 aplikime për realizimin e projekteve
Botuar nga Flaka
“Më lejoni të ndaj me ju një lajm të mirë, e ai është se, siç më informoi ministri për vetëqeverisje lokale, deri më sot – praktikisht, pasi kishte disa ditë të lëna që projektet të arrijnë edhe me postë – të gjitha komunat, gjithsej 80, kanë dorëzuar aplikime për realizimin e projekteve nga thirrja e dytë”, tha kryeministri Hristijan Mickoski.
Kryeministri Mickoski theksoi se janë dorëzuar pothuajse 900 aplikime nga 80 komuna për realizimin e projekteve.
“Dhe mund të them se tani kemi gati 900 vetëm nga thirrja e dytë. Ose, kur t’i mbledhim ato nga thirrja e parë dhe e dytë së bashku, do të kemi gjithsej 1.200. Këto janë 1.200 kantiere ndërtimi në Maqedoni. Kjo është një gjë historike, do të thosha shekullore. Dhe këtë e bëjmë për gjeneratat e ardhshme, por edhe për gjeneratat e sotme të cilat meritojnë kushte më të mira për jetë,” theksoi ai.
Mickoski porositi se si Qeveri do të vazhdojnë të investojnë në zhvillimin e komunave.
“Ne do të vazhdojmë me realizimin edhe në periudhën që vijon dhe prisni shumë lajme të mira, në muajt në vijim, për qytetarët dhe për Maqedoninë si shtet, sepse, do ta përsëris, është mirë të ndërtohet – për këtë na kanë zgjedhur qytetarët,” është decid Mickoski.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
