Vedat Ademi ka ndërruar jetë nga nekroza në muskulin e zemrës

Botuar nga Flaka 19 Maj, 2025 22:37

Instituti i Mjekësisë Ligjore në Shkup ka publikuar raportin e autopsisë për vdekjen e 32-vjeçarit Vedat Ademi, i cili ndërroi jetë më 17 mars në Spitalin e Kumanovës. Sipas raportit të siguruar ekskluzivisht nga Inside21 – TV21, shkaku i vdekjes është nekroza në muskulin e zemrës, dhe jo një reaksion alergjik ndaj analginit, siç pretenduan familjarët e të ndjerit.

Sipas familjes Ademi, gjendja e të ndjerit u përkeqësua menjëherë pasi mori infuzionin në të cilin ishte përfshirë edhe ampula e analginit si pjesë e terapisë kundër dhimbjeve. Ata kanë deklaruar se Vedati ka qenë alergjik ndaj këtij ilaçi dhe se kjo ishte e shënuar qartë në librezën e shëndetit me përshkrimin “CAVE ANALGIN”.

Burime të Inside21 bëjnë të ditur se organi i akuzës pritet të mos e pranojë raportin aktual të Institutit të Mjekësisë Ligjore dhe do të kërkojë analiza shtesë për të verifikuar praninë e analginit në organizëm dhe ndikimin që ka pasur në ditën kritike.

Ndërkohë, babai i të ndjerit deklaroi për TV21 se as mjeku kujdestar, dr. Zoran Gjeorgjievski, e as infermierja që administruan terapinë, nuk e kanë kontrolluar librezën shëndetësore për të verifikuar alergjitë e mundshme të pacientit.

Pas ngjarjes, drejtori i Spitalit të Kumanovës u shkarkua nga detyra, ndërsa Prokuroria Themelore e Kumanovës hapi hetim për dyshime të gabimeve mjekësore, bazuar edhe në gjetjet e Inspektoratit Shtetëror Sanitar Shëndetësor. Flaka Media

Botuar nga Flaka 19 Maj, 2025 22:37

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.