Arben Fetai në titullin e “Kryetarit të Kuvendit të ASH-së” megjithëse i shkarkuar

Një ftesë zyrtare për mediat, e cila pretendon të promovojë një konferencë të Këshillit Koordinues të Aleancës për Shqiptarët (ASH), ka ngritur sërish dyshime dhe akuza mbi shkeljet e rënda të procedurave ligjore, statutit të partisë dhe konfliktin e hapur shtet-parti, shkruan Flaka. Në këtë material do të zbërthejmë pesë “lëshime fatale” të dokumentit, të cilat e bëjnë aktivitetin jo vetëm kontradiktor dhe joligjor, por edhe me pasoja të mundshme penale dhe administrative për institucionet dhe personat përgjegjës.

Ftesa e publikuar shton se konferencën do ta drejtojë Arben Fetai, “Kryetar i Kuvendit të ASH-së, njëherit edhe Zëvendëskryeministër”. Sidoqoftë, ky titull është i pavlefshëm, pasi Arben Fetai u shkarkua nga posti i Kryetarit të Kuvendit të ASH-së pas një votimi në Kuvendin e brendshëm të partisë, ku 107 kuvendarë votuan për shkarkimin e tij.
• Pasojat e deklarimit të pabazuar: Referimi në ftesë te Arben Fetai me një titulaturë që nuk ekziston më, jo vetëm që manipulon realitetin politik të brendshëm të ASH-së, por cenon edhe besueshmërinë e tij. Çdo letërkomunikim zyrtar me një titull të tillë mund të konsiderohet i rremë, gjë që në kushte ligjore mund të ketë pasoja penale për falsifikim veprimesh e vendimesh.
• Konflikti me vendimin e Kuvendit të ASH-së: Në statutin dhe rregulloren e brendshme të ASH-së, çdo marrëdhënie midis organeve të larta drejtuese përcaktohet me saktësi. Duke cënuar këtë vendim, ftesa vërtetë bëhet një mjet propaganda politik, duke paraqitur një figurë që partia e ka përjashtuar.

Manipulimi i emrit dhe titullit të Arben Fetait po ashtu krijon konfuzion te mediat, të cilat mund të besojnë se ai mban ende rol vendimtar në ASH, ndërkohë që në të vërtetë nuk ka asnjë legjitimitet për të përfaqësuar këtë pozicion. Flaka