VLEN: Çairi po sulmohet me çdo mjet

Kur menduam se Bashkimi Demokratik për Integrim (BDI) nuk mund të bjerë më poshtë, ajo na befasoi me një lëvizje të papritur dhe tronditëse: një aleancë e paprecedentë me Danella Arsovskën dhe Dimitar Apasievin – një treshe që bashkon interesin politik të ulët dhe frikën e përbashkët nga ndryshimi që po vjen nga koalicioni VLEN, transmeton Flaka

Po, e lexuat mirë! Dimitar Apasiev – figura më e njohur për fyerje, urrejtje dhe shpifje ndaj shqiptarëve – tashmë është kthyer në partner të heshtur të BDI-së. Qëllimi? Shpëtimi i Danella Arsovskës dhe ruajtja e pushtetit të Blerim Bexhetit në Çair, një bastion që ka nisur të lëkundet seriozisht përballë alternativës së re që përfaqëson VLEN.

Ky është bashkimi më hipokrit dhe më i pështirë politik që ka parë ndonjëherë Maqedonia e Veriut – një treshe që nuk e lidhin as vlerat, as parimet, por vetëm frika nga humbja.

Çairi është kthyer në shënjestër politike dhe ideologjike. BDI nuk ngurron të bashkëpunojë as me figura të deklaruara antishqiptare vetëm e vetëm për të ruajtur një status quo që shumica dërrmuese e qytetarëve tashmë e kanë refuzuar.

Por, kjo nuk do të funksionojë. VLEN nuk është thjesht një koalicion politik – është zëri i popullit, është vullneti i shumicës, është simboli i ndryshimit që po troket fuqishëm nga Çairi.

As Apasievi, as Danella, dhe as BDI nuk mund ta ndalin më këtë uragan ndryshimi. Koha e manipulimeve ka mbaruar. Koha e llogaridhënies ka ardhur, reaguan nga VLEN.

Arsovska akuzon Visar Ganiun dhe Izet Mexhitin për grupim kriminel dhe

mafi urbane në Çair, duke akuzuar se janë mbi 150 objekte të legalizuara jashtë kornizës ligjore, me falsifikim dokumentesh dhe uzirpim të tokës shtetërore – publike. Flaka