Ahmeti pret kampionin botëror Benjamin Imeri: “Një emër që nderon sportin, kombin dhe flamurin tonë”
Botuar nga Flaka
Lideri i Bashkimit Demokratik për Integrim, Ali Ahmeti, ka pritur sot në takim boksierin shqiptar Benjamin Imeri, i cili së fundmi ka shkruar histori duke u shpallur kampion bote në kategorinë WBA JR, transmeton Flaka
Ahmeti u shpreh se ishte një kënaqësi e veçantë ta takonte Imerin në këtë moment të triumfit të tij sportiv dhe kombëtar:
“Sot pata kënaqësinë të takohem sërish me boksierin shqiptar, Benjamin Imeri, por këtë herë si kampion bote në kategorinë WBA JR.”
Duke përshkruar suksesin e tij si historik, lideri i BDI-së nënvizoi rëndësinë që ky titull ka për shqiptarët dhe për sportin në përgjithësi:
“Një titull historik, i dhënë për herë të parë nga një prej federatave më prestigjioze të boksit në botë, pas fitores mbresëlënëse me nokaut në raundin e dytë ndaj kundërshtarit afrikan.”
Ahmeti theksoi se emri i Imerit është tashmë i gdhendur në historinë e boksit si kampioni i parë i kësaj kategorie:
“Emri i Benjaminit tashmë është gdhendur në histori si kampioni i parë i kësaj kategorie, një arritje që nderon sportin, kombin dhe flamurin tonë.”
Në fund, ai shprehu urimet më të mira për sukseset e ardhshme të kampionit:
“E përgëzoj për këtë sukses madhështor dhe i uroj edhe më shumë fitore në rrugëtimin e tij të artë!” Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
