Krerët e VLEN vizitojnë Medresenë “Isa Beu”: Ligji që i rikthen dinjitetin dijes dhe fesë!
Botuar nga Flaka
Krerët e VLEN realizuan një vizitë të rëndësishme në Medresenë “Isa Beu” në Kondovë, ku u takuan me udhëheqësit e këtij institucioni të rëndësishëm arsimor dhe fetar, për të kumtuar vendimin historik të Qeverisë për miratimin e propozim-Ligjit për shkollat e mesme fetare.
Ky ligj sjell një ndryshim të shumëpritur: pas katër dekadave, nxënësit e Medresesë “Isa Beu” më në fund do të trajtohen të barabartë me çdo nxënës tjetër nga shkollat e mesme publike në vend. Ky është një hap konkret drejt përmbushjes së parimeve të barazisë, drejtësisë dhe përfshirjes në sistemin arsimor.
VLEN e konsideron këtë si një akt emancipiues dhe të vonuar që i jep fund diskriminimit institucional ndaj arsimit fetar. Medreseja “Isa Beu” nuk është vetëm një institucion edukativ, por një vatër që për dekada me radhë ka ruajtur dhe kultivuar vlerat shpirtërore, morale dhe kombëtare te të rinjtë tanë.
Miratimi i këtij ligji është dëshmi se feja dhe dija nuk janë në kundërshtim, por ecin bashkërisht për të ndërtuar një shoqëri të drejtë, të edukuar dhe të barabartë. VLEN do të vazhdojë të mbrojë çdo të drejtë dhe çdo institucion që kontribuon në ndërtimin e vlerave të qëndrueshme në vendin tonë.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
