BDI: Heqja e Nenit 96 nga Ligji për Policinë, përgjegjësi e VMRO-së dhe VLEN-it
Botuar nga Flaka
Bashkimi Demokratik për Integrim (BDI) kritikon ashpër përpjekjet e përfaqësuesve shqiptarë të VMRO-DPMNE-së në Qeveri për t’u shmangur nga përgjegjësia lidhur me heqjen e Nenit 96 nga Ligji për Policinë, transmeton Flaka
“Përpjekja e të përzgjedhurve shqiptarë të VMRO-s në qeveri për të shfajësuar veten për heqjen e Nenit 96 nga Ligji për Policinë është kulmi i hipokrizisë dhe shprehja më e qartë e mungesës së tyre reale në qeverisje,” deklaron BDI.
Sipas BDI-së, këta përfaqësues tash premtojnë se do ta “rregullojnë me amendamente në Kuvend”, ndërkohë që vetë kanë qenë prezent në mbledhjen e Qeverisë ku ky ndryshim u miratua pa diskutim.
“Ky është një fakt i pakundërshtueshëm. Neni 96, që garantonte përfaqësimin etnik në polici, është një detyrim kushtetues që buron nga Amendamenti 6 dhe Marrëveshja Paqësore e Ohrit. Heqja e tij nuk është ‘lapsus’, por pjesë e një strategjie për të përjashtuar shqiptarët nga institucionet shtetërore, veçanërisht nga strukturat e sigurisë,” thekson BDI.
BDI sqaron se në Kuvend, ku vendosen ligjet, do të ndalojë këtë tentativë të rrezikshme dhe i bën thirrje përfaqësuesve që nuk të luajnë më rolin e mbrojtësve të interesit publik, pasi kanë miratuar heqjen në Qeveri.
“Shqiptarët nuk mashtrohen më nga fasada. Nuk mjafton të jesh fizikisht i pranishëm në qeveri, nëse politikisht je inekzistent,” përfundon BDI. Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
