Temperaturat arrijnë 41°C – vala e nxehtë përfshin Maqedoninë e Veriut

Maqedonia e Veriut po përjeton një nga ditët më të nxehta të verës, me temperatura që kanë arritur deri në 41°C në disa qytete të vendit. Sipas të dhënave nga Drejtoria për Punë Hidrometeorologjike (DPHM), temperaturat më të larta janë regjistruar në Shkup-Petrovec, Veles, Kavadar dhe Demir Kapia, ndërsa 40°C janë matur në Zajçev Rid dhe Gjevgjeli.

Temperaturat e regjistruara sot:

• 41°C – Shkup-Petrovec, Veles, Kavadar, Demir Kapia
• 40°C – Zajçev Rid, Gjevgjeli
• 39°C – Manastir, Shtip, Strumicë
• 38°C – Tetovë, Vinicë
• 37°C – Prilep
• 36°C – Kriva Pallankë
• 35°C – Ohër, Pretor
• 34°C – Berovë
• 31°C – Krushevë, Hanet e Mavrovës
• 30°C – Llazaropole
• 26°C – Kodër e Diellit

Parashikimi për ditët në vijim: Moti do të mbetet me diell dhe shumë i nxehtë, me erë të dobët deri mesatare nga drejtimi jugperëndimor. Temperaturat maksimale pritet të arrijnë deri në 42°C, veçanërisht në pjesët jugore dhe qendrore të vendit.

Deri të shtunën (26 korrik), vendi do të jetë nën ndikimin e një vale të nxehtë nga jugu, me vranësira të vogla lokale dhe temperatura mbi mesataren për muajin korrik.

Autoritetet meteorologjike dhe shëndetësore rekomandojnë:

• Shmangien e ekspozimit në diell gjatë orëve të pikut
• Konsumimin e lëngjeve dhe veshje të lehta
• Kujdes të shtuar për të moshuarit dhe fëmijët

Flaka