Flakron Bexheti: Sistemi politik e ka stimuluar urrejtjen ndaj shqiptarëve!

Botuar nga Flaka 3 Gusht, 2025 12:18

Reagimet e ashpra ndaj koreve raciste dhe thirrjeve fashiste të dëgjuara gjatë ndeshjes së basketbollit mes Maqedonisë së Veriut dhe Rumanisë, e zhvilluar në Kumanovë, për çka u raportua në Flaka, nuk po ndalen. Pas partive politike dhe figurave publike, fjalën e ka marrë edhe profesori dhe aktivisti Flakron Bexheti, i cili në një reagim të prerë ka denoncuar klimën e toleruar institucionalisht ndaj urrejtjes ndaj shqiptarëve.

“Sjellja huligane e një grupi tifozësh, e shprehur përmes thirrjeve fyese si ‘shqiptari i mirë është shqiptari i vdekur’ dhe ‘dhoma gazi për shqiptarët’, është pasojë direkte e një klime të toleruar institucionalisht dhe e një kulture të urrejtjes që nuk është sanksionuar asnjëherë nga institucionet kompetente siç duhet”, ka shkruar Bexheti.

Ai është i prerë në gjykimin e tij për rolin e institucioneve, të cilat sipas tij nuk kanë dështuar vetëm në parandalim, por janë bërë pjesë e problemit përmes heshtjes së tyre.

“Për këtë arsye mund të thuhet që sistemi politik dhe qeverisja, bashkë me policinë, gjykata e prokurori, jo që nuk e kanë parandaluar, por në heshtje kanë stimuluar këtë sjellje raciste plot albanofobi. Turp”, ka përfunduar ai.

Ky reagim i drejtpërdrejtë vjen në një moment kur opinionit publik i është imponuar qartësisht pyetja themelore: A është kjo vetëm një devijim i tifozëve, apo simptomë e një shteti që i ka normalizuar thirrjet fashiste ndaj shqiptarëve?

Në ndërkohë, ende mungon një qëndrim zyrtar nga Qeveria dhe institucionet përgjegjëse, ndërsa presioni ndaj tyre rritet çdo orë. Flaka

Botuar nga Flaka 3 Gusht, 2025 12:18

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.