VLEN: Osmani dhe Grubi, kanë mbështetur dhënien e lejes për MTEL dhe kazinot serbe

Hyrja e MTEL në Maqedoni ishte në korrik 2021 – pikërisht kur Bujar Osmani ishte ministër i Punëve të Jashtme, ndërsa ministrat e ekonomisë dhe financave ishin pikërisht nga BDI.

Pa pëlqimin politik të Qeverisë ku mori pjesë BDI, MTEL nuk do të merrte licencë dhe nuk do të hynte në treg.

Gjithashtu, qeveria e Osmanit dhe Grubit mori disa vendime për të lejuar hyrjen e kapitalit nga krimi i organizuar serb dhe malazez në biznesin e kazinove.

Sot, Osmani paraqitet i shqetësuar për hyrjen e kapitalit serb, ndërsa Qeveria e tij e hapi tregun dhe dha dritë të gjelbër.

Në fakt shkak që BDI është si parti në listën e zezë është vetëm pasojë e shumë informacioneve për hyrjen e bizneseve dhe kapitalit të dyshimtë serb në Maqedoni, gjatë kohës së qeverisjes së BDI-së.

Duke pasur parasysh këtë, kërkojmë nga Osmani të përgjigjet publikisht:

A është, sipas informatave tona, hyrja e paralajmëruar e “Alta Bankës” rezultat i shumë takimeve që ai dhe Ali Ahmeti i patën me presidentin Vuçiç dhe me funksionarë të tjerë serbë?
A ekzistojnë proces verbale, korrespondencë dhe marrëveshje nga këto takime – dhe nëse po, pse nuk janë publikuar?

Opinioni meriton politikë konsistente dhe transparencë të plotë, jo përplasje ditore dhe përgjegjësi të ndara.

Nëse Osmani është i sinqertë, le të publikojë të gjitha dokumentet dhe të shpjegojë pse në vitin 2021 Qeveria e tij mbështeti hyrjen e MTEL.