I refuzoi edhe Menduhi: Ne, hiç, asnjë pikë të përbashkët s’kemi me këtë qeveri

Kreu i Partisë Demokratike Shqiptare, Menduh Thaçi, deklaroi se bisedimet me qeverinë kanë përfunduar dhe nuk ka pikë të përbashkët mes PDSH-së dhe kësaj qeverie.

“E vërteta është kjo, e kam thënë moti, përsëri e përsëris. Gati se është e pamundur. Muajve të fundit ka pasur më shumë intensitet të bisedave, mos t’i quaj bisedime, duke kërkuar të dy palët pikat e përbashkëta mes kësaj qeverie dhe Partisë Demokratike Shqiptare. Në fund erdhëm në përfundim, që ne, hiç, asnjë pikë të përbashkët s’kemi. Kështu që, më lejoni të konstatoj që ky muhabet sot edhe zyrtarisht mbyllet,” – tha Thaçi.

Ai shtoi se, megjithëse PDSH ka treguar dëshirë për konstruktivitet, pozicionet e partisë janë të qarta:

“Ne edhe pse kemi treguar dëshirë për konstruktivitet kemi ardhur në përfundim që nuk kemi asgjë të përbashkët me politikën e kësaj qeverie, dhe s’do të kemi.”

Kryetari i PDSH-së, Menduh Thaçi, sot, po ashtu njoftoi se bisedimet me kryetarin e BDI-së, Ali Ahmeti kanë dështuar.

“Të dielën besoj se Kuvendi i partisë do të merr konkluza të sakta për të ardhmen.

Me keqardhje mund të konstatoi se bisedimet me Ali Ahmetin kanë dështuar”, tha Thaçi.

Për të konstatuar këtë tha se të dielën do të merr vendim edhe organet partiake. Flaka Media