Bela i drejtohet Mickoskit: Nuk je ti që vendos për shqiptarët – Kujtoje Iliridën e 1992-shit!

Deklaratat e fundit të kryeministrit Hristijan Mickoski kanë nxitur reagime të forta nga përfaqësues politikë dhe figura publike shqiptare. Mes tyre edhe Valon Bela, i cili ka dërguar një porosi të qartë dhe të drejtpërdrejtë ndaj kreut të VMRO-DPMNE-së:

“Porosi për Mickovskin: Nuk je ti që vendos çfarë bëhet me shqiptarët. Dhe po, falë teje dhe antishqiptarizmit tënd, opozita shqiptare do t’i fitojë të gjitha komunat, e pastaj fuc. off së bashku me pinxhur-identitetin tënd!”

Reagimi i ashpër i Belës vjen pas deklaratës së Mickoskit, i cili akuzoi partitë shqiptare për mashtrime shumëvjeçare dhe tentoi të përshkruajë VMRO-DPMNE-në si alternativë të vetme reale në skenën politike.

“Ata që i mashtruan shqiptarët më shumë se 22 vjet… do të vazhdojnë të mashtrojnë votuesit shqiptarë… Dhe me kë duhet të bëjnë qeveri? Me VMRO-në, sipas tyre, antishqiptare – sepse realiteti është që VMRO-DPMNE-ja do të fitojë”, deklaroi Mickoski.

Por sipas Belës dhe shumë të tjerëve, kjo qasje është jo vetëm përçmuese, por edhe provokuese për memorien historike të shqiptarëve në Maqedoni. Ai rikujtoi një dokument të vitit 1992, të përpiluar nga Kuvendi i Iliridës në Gostivar, i cili në mënyrë vizionare artikulonte kërkesën për autonomi politike dhe territoriale të shqiptarëve:

“Po që se Kuvendi i RM-së nuk e aprovon propozimin për ndryshimin e Kushtetutës dhe nuk i garanton kërkesat për autonomi politike dhe territoriale të shqiptarëve… do të detyrohemi ta avancojmë përcaktimin tonë politik në përputhje me të drejtën natyrore, etnike dhe historike të popullit shqiptar për vetëvendosje.”

Për shumë analistë, kjo porosi historike nuk është retorikë e së kaluarës, por një kujtesë për çdo pushtet që nënvlerëson vullnetin dhe peshën politike të shqiptarëve në shtet. Flaka