CNN: Irani dyshohet se po planifikon sulme me “bombë të pistë” në Uashington, në shënjestër zyrtarë të administratës Trump

Flaka
Botuar nga Flaka 17 Nëntor, 2026 11:17

CNN: Irani dyshohet se po planifikon sulme me “bombë të pistë” në Uashington, në shënjestër zyrtarë të administratës Trump

Shërbimet amerikane të inteligjencës kanë siguruar informacione të reja që sugjerojnë se Irani po shqyrton plane për sulme ndaj zyrtarëve të lartë të administratës së presidentit Donald Trump, përmes përdorimit të një të ashtuquajture “bombë të pistë” ose armëve kimike në Uashington.

Këtë e raporton CNN, duke iu referuar shtatë zyrtarëve amerikanë, të cilët janë në dijeni të informacioneve të fundit të inteligjencës.

Sipas burimeve, planet iraniane për momentin paraqiten si mundësi të mundshme veprimi dhe jo si dëshmi se një sulm është i afërt. Megjithatë, dy prej burimeve kanë deklaruar se informacionet e siguruara përmbajnë lokacione dhe objektiva konkrete, çka ka nxitur autoritetet amerikane të ndërmarrin masa përgatitore.

Zëdhënësja e Shtëpisë së Bardhë, Lauren Bis, deklaroi se administrata po monitoron çdo kërcënim të mundshëm, por theksoi se aktualisht nuk ka kërcënime të besueshme ndaj territorit amerikan.

Sipas zyrtarëve amerikanë, informacionet tregojnë se Teherani po shqyrton mundësinë e zgjerimit të konfliktit edhe në territorin e SHBA-së, në një kohë kur Irani po përballet me sulme të vazhdueshme ushtarake amerikane dhe presion të madh ekonomik.

Megjithatë, nuk ka prova se autoritetet iraniane kanë marrë vendim për realizimin e ndonjë sulmi.

“Se a i kanë realisht personat e nevojshëm në terren për ta kryer sulmin, mbetet çështje debati”, ka deklaruar një nga burimet për CNN.

SHBA shqyrton masat për parandalimin e kërcënimit

Sipas dy zyrtarëve, gjatë javës së kaluar janë mbajtur disa takime në administratën amerikane, ku është diskutuar mënyra e parandalimit të kërcënimeve të mundshme.

Ndërkohë, për shkak të shqetësimeve të sigurisë, Shërbimi Sekret amerikan ka zhvendosur javën e kaluar sekretarin e Thesarit, Scott Bessent, në një objekt banimi ushtarak.

Sipas raportimit, kërcënimet iraniane ndaj zyrtarëve aktualë dhe ish-zyrtarëve amerikanë nuk janë të reja. Ato kanë ekzistuar që nga mandati i parë presidencial i Trumpit, përfshirë edhe një komplot të dyshuar për vrasjen e tij në vitin 2024.

Çfarë është “bomba e pistë”?

Një nga shqetësimet kryesore të autoriteteve amerikane lidhet me mundësinë e përdorimit të armëve jokonvencionale.

E ashtuquajtura “bombë e pistë” është një pajisje që kombinon eksplozivin konvencional me materiale radioaktive, të cilat shpërndahen gjatë shpërthimit.

Sipas burimeve të CNN, inteligjenca amerikane ka përgjuar edhe komunikime iraniane, në të cilat pretendohet se Teherani mund të ketë fshehur paraprakisht materiale për prodhimin e bombave në territorin amerikan.

Zyrtarët kanë mendime të ndryshme për besueshmërinë e këtij informacioni. Megjithatë, ata nuk përjashtojnë mundësinë që materiale radioaktive ose agjentë kimikë të jenë vendosur paraprakisht në SHBA.

Një nga skenarët që shqyrtohet nga autoritetet është edhe përfshirja e personave që tashmë jetojnë në Shtetet e Bashkuara, pa qenë e nevojshme që operativë iranianë të hyjnë drejtpërdrejt në vend.

Deri më tani, nuk ka konfirmim zyrtar se Irani ka vendosur të realizojë ndonjë sulm të tillë.

2

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 17 Nëntor, 2026 11:17
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
2

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë