Fati i kulturës në duart e bixhozit – Kur bigjozi sponsorison aktivitete kultorore

Bixhozi investon në kulturë – komedi e zezë me regji institucionale. Me rastin e 200-vjetorit të lindjes së kompozitorit të njohur austriak Johann Strauss, para Operës dhe Baletit Kombëtar të Maqedonisë së Veriut u mbajt koncerti festiv „Od MOB për Shkupin“, nën dirigjimin e Vincenz Praxmarer dhe me pjesëmarrjen e solistëve Brigita Simon dhe Ivan Naumovski.

Ngjarja u organizua nga Ambasada e Republikës së Austrisë në Shkup, ndërsa mbështetjen financiare për realizimin e saj e ofroi Videollotaria Kasinos Austria. Përmes këtij sponsorizimi, kompania që operon në industrinë e lojërave të fatit, deklaroi se synon të kontribuojë në pasurimin e jetës kulturore në vend dhe në promovimin e vlerave shpirtërore që arti sjell në shoqëri.

“Mbështetja e ngjarjeve kulturore është një pjesë kyçe e strategjisë sonë korporative. Përmes kësaj mbështetjeje, ne konfirmojmë përkushtimin tonë për të ndihmuar artin dhe komunitetin”, thuhet në deklaratën e Videollotarisë Kasinos Austria.

Koncerti u ndoq nga qindra qytetarë dhe mysafirë diplomatikë, ndërsa në repertor u përfshinë disa prej veprave më të njohura të Johann Strauss-it, përfshirë valset, polkat dhe ariet klasike.

Ndërkohë që kompania thekson angazhimin për zhvillimin kulturor të vendit, sponsorizimi nga një subjekt i lidhur me industrinë e bixhozit ngre edhe pikëpyetje në opinion mbi etikën e bashkëpunimeve të tilla, veçanërisht në një kohë kur diskutohet për kufizimin e reklamave dhe ndikimit të lojërave të fatit në shoqëri.