Hegseth viziton papritur Karakasin, SHBA-ja dhe Venezuela arrijnë marrëveshje për bashkëpunim ushtarak
Ministri amerikan i Mbrojtjes, Pete Hegseth, gjatë një vizite të paparalajmëruar në Karakas, ka njoftuar arritjen e një marrëveshjeje të re për bashkëpunim ushtarak mes Shteteve të Bashkuara dhe Venezuelës.
Marrëveshja përfshin trajnime të përbashkëta ushtarake, shkëmbim të informacioneve të inteligjencës, si dhe forma të tjera të bashkëpunimit në fushën e mbrojtjes.
Hegseth nuk dha shumë detaje rreth përmbajtjes dhe zbatimit të marrëveshjes, por theksoi se Uashingtoni synon ta konkretizojë atë dhe të thellojë partneritetin ushtarak me Venezuelën.
“Shpresojmë ta zbatojmë marrëveshjen në praktikë dhe ta thellojmë më tej bashkëpunimin dhe partneritetin tonë në mbrojtje, duke shfrytëzuar ekspertizën e Forcave të Armatosura Amerikane dhe të Departamentit të Luftës”, deklaroi Hegseth.
Deklarata e ministrit amerikan u transmetua nga televizioni shtetëror venezuelas.
Vizita e paparalajmëruar në Karakas dhe njoftimi për marrëveshjen e re shënojnë një zhvillim në raportet ushtarake mes dy vendeve, ndërsa detajet e mëtejshme për afatet, mekanizmat dhe nivelin e zbatimit të bashkëpunimit ende nuk janë bërë publike.
Flaka Media














