Keqpërdorimi i veturave zyrtare, do të gjobiten shoferët e Arben Fetait dhe Izet Mexhitit

Zëvendëskryeministri dhe Ministri i Mjedisit Izet Mexhiti dhe zëvendëskryeministri për Qeverisje të Mirë Arben Fetai ishin në një takim në lidhje me politikat qeveritare kur u fotografuan nga “360 shkallë” automjetet e tyre zyrtare në orën 23:00 të parkuara në bulevardin pranë qendrës tregtare “Mavrovka”. Thuhet kështu në përgjigjen e ministrisë së Mjedisit me të cilën udhëheq Izet Mexhiti, transmeton Portalb.mk.  

“Lidhur me tekstin tuaj të publikuar, dëshirojmë t’ju informojmë se zëvendëskryeministrat, gjatë periudhës që përmendni, morën pjesë në një takim koordinues mbi politikat qeveritare, me fokus të veçantë në projektet komunale në vazhdim…”  

Ministria gjithashtu theksoi se Mexhiti dhe Fetai, si zëvendës të kryeministrit, kanë të drejtë për siguri 24-orëshe, në përputhje me protokollet dhe rregulloret në fuqi për mbrojtjen e zyrtarëve të lartë shtetërorë. 

Megjithatë, fakti që automjetet ishin parkuar në bulevardin Krste Petkov Misirkov njihet nga ministria e drejtuar nga Mexhitit si shkelje dhe ata thonë: 

“Lidhur me mënyrën e parkimit të automjeteve zyrtare, janë marrë masa adekuate kundër shoferëve, në përputhje me rregullat dhe procedurat disiplinore në fuqi”.

Zëvendëskryeministri Arben Fetai dhe shërbimi i marrëdhënieve me publikun i Qeverisë nuk na dhanë asnjë përgjigje.  

Qeveria aktuale ka njoftuar një zgjidhje për problemin e keqpërdorimit të mundshëm të automjeteve zyrtare duke futur targa me ngjyra për automjetet zyrtare dhe duke futur një mekanizëm përmes të cilit çdo qytetar do të jetë në gjendje të raportojë keqpërdorimin e një automjeti zyrtar, por rezultatet fillestare, sipas njoftimeve, duhet të jenë të dukshme në shtator të këtij viti.