Osmani: Në Çair po lind një lëvizje për ndryshim, po zgjohet një energji për t’i rezistuar shantazhit dhe korrupsionit

Unë mendoj se kjo që ndodh në Çair është më e madhe se një fushatë zgjedhore. Zgjedhjet në Çair janë historike. Po zgjohet një energji e rezistencës. Rezistencë ndaj menaxhimit. Ndaj korrupsionit. Ndaj shantazhimit. Ndaj klientelizmit. Ajo që e shoh ditëve të fundit është motivim për mua. Ne po na bashkohen njerëzit të cilët nuk janë të asnjë partie: mësues, aktivistë, zejtarë… që vet vinë e thonë ky është shansi historik ta clirojmë Cairin.

Prandaj, po ngritet një lëvizje. Po zgjohet një lëvizje për dinjitet. Një lëvizje e rezistencës për Çair të ri, të pastër, me shkolla moderne, me rrugë të sigurta. Një lëvizje që do të dëshmojë se Çairi nuk është pronë private e askujt. E as nuk është minierë për nxjerrjen e diamanteve dhe roli im është vetëm të jem zëri i asaj energjie. Ta kanalizoj institucionalisht atë energji. Fitorja nuk është e imja fitorja është e gjithë qytetarëve të Çairit, të cilët do të ngritën dhe do të thonë mjaftë më.

Unë dua të them diçka qartë. Më 19 tetor populli i Çairit do të del masivisht dhe do mposhtë sistemin e blerjes së vullnetit të qytetarëve- askush nuk mund të zhvlerësojë zërin e tyre, nëse njerëzit do të dalin masivisht dhe do të shprehin vullnetin e tyre. Askush! Këto nuk janë zgjedhje të zakonshme. Kjo është rezistencë dhe po nisë një lëvizje për Çairin e ri. Flaka Media