Pas gati tre dekadash, arrestohet në Greqi vrasësi i Seat Ibraimit nga Shkupi, Aco Bocevski – Cigani!

Aco Bocevski, i njohur me nofkën “Cigani”, është një shtetas maqedonas që u arrestua më 26 maj 2025 në qytetin Katerini të Greqisë, pas 27 vitesh në arrati. Ai ishte dënuar për vrasjen e Seat Ibraimit, një krim i kryer në nëntor të vitit 1997 në qendër të Shkupit. Sipas raportimeve, vrasja ndodhi pas një ndjekjeje me makina, ku Bocevski qëlloi Ibraimin me disa të shtëna, duke zbrazur një karikator të tërë nga arma .

Një nga personat më të kërkuar nga drejtësia maqedonase, Aco Bocevski, i njohur në botën e krimit si “Cigani”, është arrestuar sot nga policia greke në qytetin Katerini, pas gati tri dekadash në arrati. Lajmin e konfirmoi Ministria e Punëve të Brendshme e Maqedonisë së Veriut, raporton Flaka Media.

Bocevski ishte në kërkim që nga viti 1998, kur u zhduk në rrethana të dyshimta nga arresti shtëpiak, në vend që të fillonte vuajtjen e një dënimi prej 15 vitesh burg për vrasjen brutale të Seat Ibraimit.

Krimi për të cilin ai u dënua ndodhi në nëntor të vitit 1997 në qendër të Shkupit. Sipas dëshmive, Bocevski, pas një ndjekjeje me automjete, e ndali makinën “Corvette”, e kapi viktimën, i cili kishte humbur kontrollin e “Mercedes”-it të tij, dhe e qëlloi për vdekje duke zbrazur të gjithë karikatorin – një vrasje që tronditi opinionin dhe mbeti në kujtesën kolektive për brutalitetin e saj.

Për të ishte lëshuar një nga urdhër-arrestet ndërkombëtare. Me arrestimin e sotëm, autoritetet kanë konfirmuar se tashmë është në proces fillimi procedura për ekstradimin e tij nga Greqia në Maqedoninë e Veriut, ku Bocevski do të përballet më në fund me drejtësinë që e ka shmangur për më shumë se dy dekada. Flaka Media