Përdorimi i “Kabinetit të Zëvendëskryeministrit” për aktivitet partiak

Një ftesë zyrtare për mediat, e cila pretendon të promovojë një konferencë të Këshillit Koordinues të Aleancës për Shqiptarët (ASH), ka ngritur sërish dyshime dhe akuza mbi shkeljet e rënda të procedurave ligjore, statutit të partisë dhe konfliktin e hapur shtet-parti, shkruan Flaka. Në këtë material do të zbërthejmë pesë “lëshime fatale” të dokumentit, të cilat e bëjnë aktivitetin jo vetëm kontradiktor dhe joligjor, por edhe me pasoja të mundshme penale dhe administrative për institucionet dhe personat përgjegjës.

Në fund të ftesës shënohet se organizatori i konferncës është “Kabineti i Zëvendëskryeministrit për Politikat e Qeverisjes së Mirë”. Kjo deklaratë është në kontradiktë të plotë me objektin e ndërhyrjeve partiake, pasi Kabineti i Zëvendëskryeministrit duhet të trajtojë çështje të përgjithshme të qeverisjes, jo aktivitete që kanë natyrë partiake.
• Shkelje e ndarjes Shtet-Parti: Përdorimi i emrit të një organi qeveritar për të mbështetur hapur një aktivitet partiak cenon parimin themelor të ndarjes së pushteteve: administrata publike nuk duhet të trajtohet si mekanizëm për fitim politik.
• Në një kohë kur Maqedonia e Veriut aspiron për integrime më të thella në Bashkimin Evropian, çdo veprim që tregohet si instrumentalizim i institucioneve shtetërore për përfitime politike të ngushta mund të prishë imazhin e vendit në arenën ndërkombëtare.

Përveç shkeljes ligjore, tërheqja e Kabinetit në këtë mes krijon një precedent të rrezikshëm për qeverisje me “dy standarde” dhe e vendos veten në konflikt të hapur me autoritetet kontrolluese të punës së administratës. Flaka