Pse është e rëndësishme mbështetja e Majlinda Bregut për Bujar Osmanin?

Zhvillimi lokal lidhet ngushtë me përparimin rajonal dhe europian. Unë besoj që Bujar Osmani di ta bëjë këtë të mundur, të bashkojë njerëzit dhe t’i bëjë institucionet të funksionojnë për qytetarët. Është kjo porosia e ish-sekretares së Përgjithshme e Këshillit për Bashkëpunim Rajonal (RCC) dhe një nga zërat më me ndikim në rajon, Majlinda Bregu, e cila përmes një videoje i ka dhënë mbështetje publike Bujar Osmanit, kandidatit të AKI-së për Komunën e Çairit.

Ajo në video ka shprehur respektin e lartë për figurën politike të Bujar Osmanit, por edhe për përkushtimin e tij në arenën rajonale e ndërkombëtare.

“Jo vetëm në cilësinë e ministrit të jashtëm, kryesuesit të OSBE-së, apo mikpritësit të forumit ambicioz të Prespës, por mbi të gjitha si një europian të përkushtuar, si një njeri që dëgjon, që respekton të tjerët, dhe që kurrë nuk harron se nga vjen. E di, fushata zgjedhore kanë kudo tone dhe emocione të larta. E di se qytetarët kanë të drejt të kërkojnë ndryshim. Por di edhe që çka e mban një politikan me këmbë në tokë, në arenë, është që të flasë të vërtetën. Askush nuk ka shkop magjik për të ndryshuar realitetet tona menjëherë”, tha mes tjerash Bregu.

Pse është e rëndësishme mbështetja nga Majlinda Bregu?

Majlinda Bregu është politikane shqiptare me një karrierë të gjatë dhe të spikatur në politikën kombëtare dhe rajonale. Ajo ka shërbyer si Ministre e Integrimit, Kryetare e Komisionit Parlamentar të Integrimit dhe për tre mandate rresht ka qenë deputete e Partisë Demokratike, e zgjedhur në qarkun e Tiranës. Së fundmi, Bregu mbajti postin e Sekretares së Përgjithshme të Këshillit për Bashkëpunim Rajonal (RCC), ku u shqua si një nga zërat më me ndikim për bashkëpunimin dhe integrimin e rajonit në proceset evropiane. Flaka