Sela dhe Thaçi urojnë 22 Nëntorin: Gjuha shqipe, themel i identitetit dhe krenarisë kombëtare

Flaka
Botuar nga Flaka 22 Nëntor, 2026 15:33

Sela dhe Thaçi urojnë 22 Nëntorin: Gjuha shqipe, themel i identitetit dhe krenarisë kombëtare

Me rastin e 22 Nëntorit – Ditës së Alfabetit të Gjuhës Shqipe, kryetari i Lidhjes Shqiptare, Ziadin Sela, dhe kryetari i Partisë Demokratike Shqiptare (PDSH), Menduh Thaçi, kanë përcjellë mesazhe urimi, duke vënë në pah rëndësinë historike të Kongresit të Manastirit dhe ruajtjen e gjuhës shqipe.

Ziadin Sela, në urimin e tij, e ka cilësuar këtë datë si një nga ditët më të lavdishme të historisë kombëtare shqiptare, duke kujtuar kontributin e rilindasve në unifikimin e alfabetit.

„Lavdi rilindasve që më 1908 në Manastirin tonë të shtrenjtë shkrinë dallimet e kohës dhe thurën alfabetin më të bukur e më unik“, ka shkruar Sela.

Ai ka theksuar se gjuha është themeli i identitetit shqiptar, duke bërë thirrje për ruajtjen, pasurimin dhe përcjelljen e saj te gjeneratat e ardhshme.

„Le ta ruajmë, ta pasurojmë dhe t’ua lëmë trashëgim gjeneratave të ardhshme më të fortë se kurrë“, thuhet në mesazhin e Selës.

Edhe kryetari i PDSH-së, Menduh Thaçi, ka përcjellë një mesazh urimi, duke e cilësuar 22 Nëntorin si simbol të unitetit, identitetit dhe përkushtimit për zhvillimin e gjuhës shqipe.

Në mesazhin e tij, Thaçi ka vënë theksin edhe te rëndësia e kësaj date për shqiptarët në Maqedoninë e Veriut, veçanërisht në aspektin e afirmimit institucional.

„Për shqiptarët e Maqedonisë së Veriut, 22 Nëntori është një simbol i gjuhës, identitetit dhe krenarisë kombëtare, por edhe i përpjekjeve për afirmimin e tyre institucional“, thekson Thaçi.

Ai ka rikujtuar se në vitin 2007, gjatë qeverisjes së PDSH-së, 22 Nëntori u bë festë zyrtare për shqiptarët në vend, duke e cilësuar këtë si një moment të rëndësishëm në njohjen dhe afirmimin e vlerave kombëtare.

Të dy liderët, përmes mesazheve të tyre, kanë vënë në pah rëndësinë e trashëgimisë së Kongresit të Manastirit dhe përgjegjësinë për ruajtjen e gjuhës shqipe ndër breza.

Flaka

39

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 22 Nëntor, 2026 15:33
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
39

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë