Si të përcaktoni peshën ideale për trupin tuaj – këshillat e ekspertëve!

Ruajtja e një peshe të shëndetshme është një nga sfidat më të mëdha për shumë njerëz. Shumë faktorë ndikojnë në peshën ideale, duke përfshirë metabolizmin, raportin e muskujve dhe dhjamit, aktivitetin fizik dhe stilin e jetesës.

Ekspertët theksojnë se peshorja shpesh mund të jetë mashtruese. Një person me më shumë masë muskulore mund të peshojë më shumë por të jetë më i shëndetshëm dhe i tonifikuar, ndërsa dikush me më pak muskuj mund të duket më i dobët por të ketë një përqindje të lartë dhjami trupor.

Një mënyrë e thjeshtë për të kuptuar peshën optimale është testi i kyçit të dorës. Nëse një person ka kyç të ngushtë, pesha e tij duhet të jetë më e vogël se mesatarja. Për një kyç mesatar, pesha duhet të jetë në normë, ndërsa për një kyç të gjerë dhe trup atletik, pesha mund të jetë në kufijtë e sipërm të normales.

Tabela e mëposhtme ofron një vlerësim mesatar të peshës për gratë me gjatësi 170 cm, sipas grupmoshës:

Për të ruajtur një peshë optimale, nutricionistët rekomandojnë ushqime të pasura me proteina, fibra dhe yndyra të shëndetshme, si peshku, mishi pa yndyrë, perimet dhe drithërat e plota. Aktiviteti fizik, si noti, ecja dhe yoga, ndihmon në ruajtjen e metabolizmit dhe masës muskulore.

Ndërkohë, me plakjen, masa muskulore humbet, metabolizmi ngadalësohet dhe për këtë arsye marrja e kalorive duhet të zvogëlohet me moshën, duke shmangur ushqimet me kalori të larta dhe duke mbajtur një stil jetese aktiv.

Flaka