Taravari: Sulejmani e shiti popullin për një post ambasadori. Çfarë duhet të quhet tani?

Arben Taravari, lideri i Aleancës për Shqiptarët, ka komentuar sot emërimin e ish-deputetit Salim Sulejmani si ambasador në Gjirin Persik, shkruan Flaka. Sulejmani pati dhënë dorëheqje të bujshme para disa ditësh, duke deklaruar se po largohej “për një arsye më madhore që do ta zbulojë më vonë”.

Në një postim në rrjetet sociale, Taravari shprehu habi për mënyrën se si Sulejmani e ka kamuflluar largimin nga detyra e deputetit.

“Në fillim nuk e besova që Salim Sulejmani mund të tallej deri në këtë pikë. Na la duke na quajtur ‘tradhëtarë’ sepse ne, si anëtarë të Aleancës, ishim larguar nga rrogat dhe lukset e pushtetit si shenjë mospajtimi. Por tani, kur surpriza që ai paralajmëroi është zyrtare, shohim se ai u emërua ambasador në Gjirin Persik,”– tha Taravari.

Sipas kreut të ASH-së, retorika e Sulejmanit për të “larguar të vërtetat” iu duk që në fillim e dyshimtë dhe që tani vetëm se vërtetohet.

“Ai na e shitë popullin duke braktisur mandatin parlamentar dhe duke iu bashkuar makinës diplomatike për fitime personale. Pasi na quajti tradhëtarë për vendimet tona të ndërgjegjshme, tani e kuptojmë se vetë po vetëquhet ambasador falë favoreve politike,” shtoi Taravari.

Taravari ndan bindjen se veprimi i Sulejmanit e ka shndërruar atë në “simbol të sojit të politikanëve që shesin interesin kombëtar për poste e privilegje”.

“Çfarë quhet njeriu që një ditë largon veten për shkak të parimeve dhe, pas pak ditësh, del të jetë kandidati i radhës për ambasador?

Ne e dimë përgjigjen, por e lëmë popullin ta gjykojë vetë,” deklaroi lideri i Aleancës për Shqiptarët, Arben Taravari. Flaka