Tragjedi në Itali: Humb jetën 78-vjeçari nga Maqedonia e Veriut pas përplasjes me kamionin

Një shtetas 78-vjeçar i Maqedonisë së Veriut, Ismail Asanoski, i cili jetonte në qytetin Conegliano të Italisë, ka humbur jetën në një aksident të rëndë trafiku, pas përplasjes së drejtpërdrejtë të veturës që drejtonte me një kamion të ngarkuar me zhavorr.

Aksidenti ka ndodhur më 29 tetor, rreth orës 15:40, në rrugën Stradonelli, në komunën Susegana, në provincën e Trevizos, pranë një qendre për grumbullimin e mbeturinave.

Asanoski ishte në drejtim të një veture „Škoda Kodiaq“ dhe po lëvizte në drejtim të Santa Lucia di Piave. Sipas informacioneve fillestare, dyshohet se drejtuesit 78-vjeçar mund t’i jetë përkeqësuar papritur gjendja shëndetësore, pas së cilës ka humbur kontrollin mbi automjetin, ka kaluar në korsinë e kundërt dhe është përplasur drejtpërdrejt me kamionin. Megjithatë, ky version ende nuk është konfirmuar zyrtarisht.

Nga forca e goditjes, pjesa e përparme e veturës është shkatërruar plotësisht, ndërsa drejtuesi ka mbetur i bllokuar brenda saj. Kamioni drejtohej nga një 61-vjeçar, i cili nuk ka pësuar lëndime. Ai menjëherë ka kërkuar ndihmë dhe është përpjekur t’i ofrojë ndihmën e parë të aksidentuarit.

Në vendngjarje kanë mbërritur zjarrfikësit, ekipet mjekësore dhe një helikopter i emergjencës. Shpëtimtarët arritën ta nxirrnin Asanoskin nga automjeti, por, pavarësisht përpjekjeve për reanimim, mjekët nuk arritën t’ia shpëtonin jetën dhe konstatuan vdekjen e tij.

Lë pas bashkëshorten dhe tre fëmijë

Lajmi për vdekjen e tij ka shkaktuar dhimbje të madhe te familjarët dhe në komunitetin lokal. Asanoski ka lënë pas bashkëshorten dhe tre fëmijë, të cilët merren me ndërtimtari dhe janë pronarë të kompanisë „Big Costruzioni“ në Ponte della Priula.

Për të është përkujtuar edhe imami i Qendrës Kulturore Islame „Emanet“ në Susegana, të cilën Asanoski e frekuentonte rregullisht.

Imami e ka përshkruar atë si një njeri të mirë dhe bujar, gjithmonë të gatshëm për t’u ndihmuar personave në nevojë. Sipas tij, Asanoski, së bashku me djemtë e tij, u kishte dalë në ndihmë njerëzve që përballeshin me situata të vështira jetësore.

Policia italiane po vazhdon hetimet për të zbardhur të gjitha rrethanat e aksidentit tragjik.

Përgatiti: Flaka Media.

• 
• 
• 
• 
• 
• 
• 

25

„Duke pasur parasysh protestat në shtetet e rajonit dhe të botës, a mendoni se edhe Maqedonia e Veriut do të përfshihet në këtë valë të protestave sociale?“

Po, është koha.

19

Jo, nuk mendoj.

6

Nuk ka arsye për të protestuar.

0