Valdet Xhaferi: Arsimi është rruga drejt një të ardhme më të ndritur

Kryetari i degës së Bashkimit Demokratik për Integrim në Gostivar, Valdet Xhaferi, ka uruar nxënësit, mësuesit dhe prindërit me rastin e fillimit të vitit të ri shkollor.

“Sot, me mijëra fëmijë në Gostivar do të hedhin hapat e parë në udhëtimin e bukur të shkollimit. Me buzëqeshje, kureshtje dhe emocion, ata hyjnë nëpër klasat që do t’ua ndriçojnë mendjen dhe të ardhmen,” theksoi Xhaferi.

Xhaferi potencoi se arsimi është shumë më tepër sesa nxënia e mësimeve nga librat.

“Arsimi është rruga që na bën më të mençur, më të ditur dhe njerëz më të mirë. Ai na mëson respektin, disiplinën dhe vlerat që na udhëheqin në jetë,” u shpreh ai.

Një gjeneratë e arsimuar mirë, shtoi Xhaferi,do të thotë “një komunitet më i fortë, një e ardhme më e ndritur dhe një shoqëri e ndërtuar mbi dije dhe mirëkuptim.”

Në mesazhin e tij, Xhaferi nënvizoi edhe rëndësinë e arsimit në epokën moderne.
“Në një botë që zhvillohet më shpejt se kurrë, arsimi është mjeti më i fuqishëm që kemi. Ai hap dyer mundësish, nxit inovacionin dhe na përgatit për sfidat e së nesërmes,” tha ai.

Në fund, ai i inkurajoi fëmijët të ëndërrojnë dhe të mos ndalen kurrë së mësuari:
“Le të inkurajojmë çdo fëmije të ëndërrojë pa kufi, të punojë fort dhe të mos ndalojë kurrë së mësuari. Sepse me arsim, çdo ëndërr bëhet e mundur.” Flaka