Sondazhi javor në Flaka: Kush është lideri i preferuar? – Rezultatet nga 1281 votues

Sipas sondazhit të realizuar nga Flaka, ku morën pjesë gjithsej 1281 votues, qytetarët kanë dhënë opinionin e tyre për liderin e preferuar politik. Rezultatet tregojnë një epërsi të qartë të liderit të BDI-së, ndërsa gara për vendet tjera mbetet më e afërt, transmeton Gazeta Flaka.

Renditja sipas numrit të votave:

1. Ali Ahmeti – 610 vota (47.62%)
2. Arben Taravari – 165 vota (12.88%)
3. Izet Mexhiti – 159 vota (12.41%)
4. Bilall Kasami – 157 vota (12.25%)
5. Ziadin Sela – 63 vota (4.92%)
6. Menduh Thaçi – 58 vota (4.53%)
7. Mimoza Musa – 35 vota (2.73%)
8. Bekim Sali – 21 vota (1.64%)
9. Bekim Qoku – 13 vota (1.01%)

Rezultatet e këtij sondazhi tregojnë një dominim të Ali Ahmeti me pothuajse gjysmën e votave totale, ndërsa pjesa tjetër e votave shpërndahet mes kandidatëve të tjerë, me një diferencë relativisht të ngushtë mes vendit të dytë, të tretë dhe të katërt.

Pas ndarjes së rezultateve në dy blloqe politike, sipas përkatësisë në pushtet dhe opozitë, rezultati paraqitet si vijon:

Opozita

• Ali Ahmeti – 610 vota
• Arben Taravari – 165 vota
• Ziadin Sela – 63 vota
• Menduh Thaçi – 58 vota

Totali opozitë: 896 vota (69.95%)

Pushteti (VLEN)

• Izet Mexhiti – 159 vota
• Bilall Kasami – 157 vota
• Mimoza Musa – 35 vota
• Bekim Sali – 21 vota
• Bekim Qoku – 13 vota

Totali pushtet (VLEN): 385 vota (30.05%)

Me këtë ndarje, opozita thellon epërsinë duke arritur rreth 70% të votave totale, ndërsa blloku në pushtet (VLEN) mbetet në rreth 30%, duke reflektuar një diferencë të dukshme në këtë sondazh.

Një sondazhin e javës së kaluar të realizuar nga platforma “Flaka”, me gjithsej 1,017 votues dhe me rregull strikt që lejon vetëm një votë për IP adresë brenda 24 orëve, pasqyron prirjet e votuesve shqiptarë në vend, ku kryeson koalicioni AKI – BDI dhe ASH me 471 vota (46%), i ndjekur nga VLEN me 375 vota (37%), ndërsa Lidhja Shqiptare e Ziadin Selës ka marrë 61 vota (6%); opsioni “Tjetër apo një alternativë e re” ka siguruar 72 vota (7%), ndërsa Partia Demokratike Shqiptare mbetet në fund me 38 vota.

Detaje mbi metodologjinë e sondazhit të “Flaka”

Sondazhi është realizuar përmes aplikacionit të mirënjohur Poll Maker, i cili karakterizohet nga një proces i automatizuar votimi, duke minimizuar në maksimum ndërhyrjen njerëzore dhe duke garantuar korrektësi gjatë gjithë procesit.

Procesi i votimit ka zgjatur 7 ditë, ndërsa pjesëmarrja është realizuar përmes platformës elektronike flaka.com.mk. Po ashtu, është aplikuar rregulli që lejon vetëm një votë për IP adresë brenda 24 orëve, me qëllim parandalimin e manipulimeve dhe rritjen e besueshmërisë së rezultateve.

Kjo metodologji synon të ofrojë një pasqyrë sa më reale të opinionit publik online, megjithatë, si çdo sondazh elektronik, rezultatet duhet të interpretohen si indikative dhe jo përfundimtare.

Megjithatë, si sondazh online, këto shifra mbeten indikative për perceptimin publik dhe jo rezultat përfundimtar elektoral. 

Në ndërkohë, platforma “Flaka” ka hapur edhe sondazhin e ri javor, duke trajtuar një çështje me interes të gjerë publik dhe juridik: “A e lejon legjislacioni aktual që studentët shqiptarë ta japin provimin e jurisprudencës në gjuhën e tyre amtare?”, pyetje që pritet të nxisë debat dhe të reflektojë perceptimin e qytetarëve mbi të drejtat gjuhësore në sistemin arsimor dhe juridik në vend. Gazeta Flaka