Të shtëna me armë pranë Shtëpisë së Bardhë

Një incident me armë zjarri ndodhi pranë Shtëpisë së Bardhë pas një përplasjeje mes agjentëve të Shërbimit Sekret të Shteteve të Bashkuara dhe një personi të armatosur. Mediat amerikane raportojnë se u morën masa të menjëhershme sigurie dhe bllokim i përkohshëm i zonës.

Ngjarja ndodhi rreth orës 15:30 në afërsi të Monumentit të Uashingtonit, pak minuta pasi autokolona e zëvendëspresidentit JD Vance kaloi në zonë. Sipas autoriteteve, agjentët në patrullim identifikuan një individ të dyshimtë me armë zjarri. Kur oficerët iu afruan, personi tentoi të largohej në këmbë dhe më pas hapi zjarr ndaj tyre.

Forcat e sigurisë reaguan menjëherë duke iu kundërpërgjigjur me armë, duke e plagosur, i cili u transportua në spital. Identiteti dhe motivet e tij mbeten ende të paqarta, raporton a2cnn, transmeton Klankosova.tv.

Gjatë shkëmbimit të zjarrit, një i mitur në zonë u godit nga plumbat e personit të armatosur, por fatmirësisht pa lëndime që rrezikojnë jetën. Autoritetet nuk kanë konfirmuar nëse objektivi i sulmit ishte ndonjë figurë e lartë shtetërore.

Si masë paraprake, Shërbimi Sekret evakuoi përkohësisht gazetarët nga zona përreth dhe kufizoi aksesin në kompleksin presidencial. Policia e Uashingtonit vijon hetimet, ndërsa disa rrugë pranë vendit të ngjarjes do të qëndrojnë të mbyllura për disa orë. Gazeta Flaka