LSDM dhe BDI paralajmërojnë padi për rastin „Alta Banka“, në shënjestër VMRO-DPMNE dhe VLEN

Kryetari i LSDM-së, Venko Filipçe, ka akuzuar kryeministrin Hristijan Mickoski dhe guvernatorin e Bankës Popullore, Trajko Slaveski, se po tentojnë të mbulojnë skandalin e pretenduar lidhur me „Alta Bankën“ dhe të shmangin përgjegjësinë.

Sipas Filipçes, pushteti po përpiqet të fshehë të dhënat për llogaritë, transaksionet, prejardhjen e kapitalit dhe lidhjet e pretenduara me rrethin e presidentit serb Aleksandar Vuçiq.

„Mickoski dhe Slaveski kanë ngritur kallëzime kundër opozitës sepse janë në panik“, deklaroi Filipçe.

Ai paralajmëroi se LSDM-ja do të parashtrojë kallëzime penale lidhur me atë që e cilësoi si „mekanizëm për pastrimin e parave të Vuçiqit“, si dhe për presionet, llogaritë dhe transferet financiare, përfshirë paratë e qytetarëve dhe të ndërmarrjeve publike.

„Tani është radha e LSDM-së, e së vërtetës dhe drejtësisë. LSDM-ja po paraqet kallëzime penale për hyrjen e kësaj strukture, për presionet, llogaritë dhe transferet, si dhe për paratë e qytetarëve dhe të ndërmarrjeve publike“, tha Filipçe.

Ai iu drejtua drejtpërdrejt kryeministrit Mickoski, duke e akuzuar se po ndjek modelin politik të Vuçiqit.

„Mickoski, po e kopjon Vuçiqin. Vuçiqi ra. Hetimet po hapen. E njëjta gjë të pret edhe ty. E vërteta po del në shesh. Banda do të japë llogari“, deklaroi Filipçe.

Edhe BDI-ja paralajmëron padi gjyqësore

Paralajmërim për veprime ligjore lidhur me deklaratat për rastin „Alta Banka“ ka bërë edhe sekretari i përgjithshëm i Bashkimit Demokratik për Integrim, Arbër Ademi.

Në një konferencë për media, Ademi deklaroi se nëse përfaqësuesit politikë të pushtetit nga VMRO-DPMNE dhe VLEN nuk tërhiqen nga deklaratat e tyre, të cilat ai i cilësoi si gënjeshtra dhe manipulime, do të përballen me padi në gjykatë.

Kështu, çështja e „Alta Bankës“ po shoqërohet edhe me paralajmërime për përballje ligjore mes përfaqësuesve të pushtetit dhe opozitës.

Akuzat e Filipçes dhe pretendimet e Ademit për deklaratat e përfaqësuesve qeveritarë përbëjnë qëndrime politike të palëve, ndërsa vërtetësia e pretendimeve duhet të trajtohet nga institucionet kompetente.

• 
• 
• 
• 
• 
• 
• 

53

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Qeverisja aktuale VMRO-VLEN

46

Qeverisja e kaluar LSDM-BDI

3

Nuk kam informacion të mjaftueshëm për të gjykuar

4