Mbi 300 amendamente për buxhetin 2027, Kuvendi nis debatin dhjetëditor

Komisioni për Financim dhe Buxhet ka nisur shqyrtimin në lexim të dytë të projektbuxhetit për vitin e ardhshëm. Të hyrat parashikohen në 395,4 miliardë denarë, ndërsa shpenzimet në 440,4 miliardë denarë.

Projektbuxheti i Maqedonisë së Veriut për vitin 2027 ka hyrë në fazën e shqyrtimit të amendamenteve në Kuvend, pasi Komisioni për Financim dhe Buxhet ka filluar debatin në lexim të dytë. Për dokumentin financiar janë dorëzuar më shumë se 300 amendamente nga propozuesit e autorizuar.

Debati në komision është paraparë të zgjasë dhjetë ditë. Katër ditë do t’i kushtohen shqyrtimit të përgjithshëm të projektbuxhetit, ndërsa gjashtë ditët e tjera diskutimit dhe vendimmarrjes për amendamentet e paraqitura.

Sipas projeksioneve të Qeverisë, buxheti i vitit 2027 parasheh të hyra të përgjithshme prej 395,4 miliardë denarësh, që paraqet rritje prej 5,7 për qind krahasuar me vitin 2026. Në anën tjetër, shpenzimet janë planifikuar në 440,4 miliardë denarë, ose 4,8 për qind më shumë se një vit më parë.

Dallimi ndërmjet të hyrave dhe shpenzimeve krijon një deficit buxhetor prej 45 miliardë denarësh, që përbën 3,5 për qind të Prodhimit të Brendshëm Bruto.

Për investime kapitale janë ndarë 40,8 miliardë denarë, ndërsa pjesën më të madhe të shpenzimeve e përbëjnë transferet sociale, për të cilat janë planifikuar 220,8 miliardë denarë. Brenda kësaj kategorie, 123,8 miliardë denarë janë paraparë për pagesën e pensioneve.

Një tjetër ngarkesë e konsiderueshme për financat publike në vitin e ardhshëm do të jetë shlyerja e detyrimeve të borxhit. Shteti duhet të sigurojë gjithsej 124,6 miliardë denarë për kthimin e borxheve, prej të cilave 46,5 miliardë denarë lidhen me borxhin e jashtëm.

Ministrja e Financave, Gordana Dimitrieska-Koçoska, ka deklaruar më herët se projektbuxheti synon ruajtjen e stabilitetit të financave publike, konsolidimin gradual fiskal dhe mbështetjen e rritjes ekonomike dhe investimeve.

Shqyrtimi në komision do të përcaktojë se cilat nga mbi 300 amendamentet do të pranohen dhe në çfarë forme projektbuxheti do t’i paraqitet më pas Kuvendit për miratim.

• 
• 
• 
• 
• 
• 
• 

123

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Qeverisja aktuale VMRO-VLEN

99

Qeverisja e kaluar LSDM-BDI

9

Nuk kam informacion të mjaftueshëm për të gjykuar

15