Tensionet SHBA-Iran vazhdojnë, Trump flet për marrëveshje

Presidenti i Shteteve të Bashkuara të Amerikës, Donald Trump, ka deklaruar se Irani ka interes të arrijë një marrëveshje me SHBA-në, ndërsa tensionet për programin bërthamor iranian dhe konfliktin në rajon vazhdojnë të mbeten të larta.

Në një intervistë telefonike për BFMTV, Trump tha se nuk është i sigurt nëse një marrëveshje do të arrihet së shpejti, por paralajmëroi pasoja të rënda në rast dështimi të negociatave.

“Nuk kam asnjë ide. Nëse nuk e bëjnë, do të kenë një periudhë shumë të keqe. Ata kanë interes të arrijnë një marrëveshje”, deklaroi presidenti amerikan.

Sipas raportimeve mediatike, Trump pritet të vendosë në orët në vijim nëse do të rifillojë sulmet ndaj regjimit iranian, pasi bisedimet për programin bërthamor dhe konfliktin në rajon nuk kanë sjellë ende rezultate konkrete.

Tensionet janë rritur ndjeshëm që nga 28 shkurti, kur SHBA-ja dhe Israel nisën sulme ndaj objektivave iraniane, duke shkaktuar kundërpërgjigje nga Teherani kundër Izraelit dhe aleatëve amerikanë në vendet e Gjirit.

Situata u përkeqësua edhe më tej pas mbylljes së Ngushticës së Hormuzit, një nga rrugët më strategjike për transportin global të naftës.

Një armëpushim hyri në fuqi më 8 prill me ndërmjetësimin e Pakistan, por negociatat në Islamabad nuk arritën të prodhonin një marrëveshje afatgjatë. Më pas, Trump zgjati armëpushimin për një periudhë të pacaktuar, ndërsa bllokada ndaj anijeve që lëviznin drejt ose nga portet iraniane mbeti në fuqi.

Flaka