Lista e pagave të BDI-së tronditet nga demantimet: Dy zyrtarë paralajmërojnë padi penale ndaj portaleve proqeveritare

Flaka
Botuar nga Flaka 17 Nëntor, 2026 20:21

Lista e pagave të BDI-së tronditet nga demantimet: Dy zyrtarë paralajmërojnë padi penale ndaj portaleve proqeveritare

Dy nga personat e apostrofuar në listën që pretendon se BDI-ja ndan 1.28 milionë denarë në muaj për tetë persona kanë demantuar vërtetësinë e informacionit të publikuar në disa media të afërta me koalicionin qeveritar VLEN.

Në komunikim me redaksinë e Flakës, dy zyrtarët e BDI-së kanë mohuar pretendimet e paraqitura në dokumentin që është shpërndarë në disa portale, duke vënë në pikëpyetje autenticitetin dhe vërtetësinë e të dhënave të publikuara.

Madje, të apostrofuarit kanë paralajmëruar edhe ndërmarrjen e hapave ligjorë, përfshirë padi penale ndaj portaleve që kanë shpërndarë informacionin, të cilin ata e konsiderojnë të pavërtetë.

”Në lidhje me shpifjen dhe gënjeshtrën e publikuar në formë të lajmit nga disa të a.q. portale: Unë, Arta Bilalli Zendeli, Nënkryetare dhe Zëdhënëse e Bashkimit Demokratik për Integrim, në asnjë moment, nuk kam marrë pagë ose honorar tjetër nga partia. Të gjitha portalet që sot e kanë publikuar emrin tim, së shpejti do ta pranojnë padinë për shpifje dhe procesi më tej do të vazhdon në gjykatë, sipas procedurës përkatëse! Misioni, ideali dhe sakrifica nuk shpaguhen me para! Ata që më njohin mua, e dinë mirë se në çfarë baza funksionoj”, demton Arta Bilalli Zendeli.

”As 200 denarë nuk marrë nga partia për angazhmin tim vullnet’s, e lërë më shumën e pretenduar”, tha një nga të përmendurit në listë për Flaka.

”Une nuk marrë pagë prej partisë”, tha tjetri.

Emrat e dy zyrtarëve që kanë demantuar informacionin janë të njohur për redaksinë e Flakës, ndërsa për momentin nuk bëhen publikë.

Rikujtojmë se grafika në fjalë paraqet tetë emra dhe shuma të pretenduara mujore që arrijnë në 1.280.000 denarë, apo mbi 15.3 milionë denarë në vit, duke ia atribuar këto pagesa BDI-së.

Deri më tani, nuk është publikuar dokumentacion financiar i verifikueshëm që dëshmon se këto pagesa kryhen nga BDI-ja.

Demantimet e dy personave të apostrofuar dhe paralajmërimi për padi penale e vendosin në pikëpyetje besueshmërinë e dokumentit që është shpërndarë në hapësirën mediatike.

Flaka do të përcjellë zhvillimet e mëtejshme dhe qëndrimet e palëve lidhur me këtë çështje. Flaka

19

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 17 Nëntor, 2026 20:21
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
19

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë