Skandal në Klinikën e Gjinekologjisë në Shkup: Të porsalindurës dyditëshe i pritet një pjesë e gishtit me gërshërë

Flaka
Botuar nga Flaka 18 Nëntor, 2026 19:03

Skandal në Klinikën e Gjinekologjisë në Shkup: Të porsalindurës dyditëshe i pritet një pjesë e gishtit me gërshërë

Një foshnjë vetëm dyditëshe ka pësuar lëndim në gishtin e madh në Klinikën Universitare të Gjinekologjisë dhe Obstetrikës (GAK) në Shkup, pasi gjatë përpjekjes për t’ia hequr kanilën e infuzionit, një punonjës shëndetësor i ka prerë një pjesë të gishtit me gërshërë.

Ngjarja ka ndodhur më 16 nëntor, pak para se foshnja të lëshohej nga spitali për të vazhduar trajtimin në shtëpi. Sipas informacioneve të publikuara, gjatë prerjes së fashës dhe shiritit ngjitës me të cilët ishte fiksuar kanila, është dëmtuar edhe gishti i foshnjës.

Babai i vajzës, Adnan Azizi, në një deklaratë për televizionin Kanal 5, ka bërë të ditur se mjekët i kanë informuar se gishti do të mbetet rreth një centimetër më i shkurtër. Ai paralajmëroi se, pas kompletimit të dokumentacionit mjekësor, do të ngrejë padi për rastin.

Menjëherë pas lëndimit është thirrur një kirurg pediatrik, ndërsa foshnja është transferuar me urgjencë në Klinikën e Kirurgjisë së Fëmijëve.

Drejtori i kësaj klinike, dr. Lazo Jovçevski, konfirmoi për Televizionin Publik të Maqedonisë (MRT) se foshnjës i është kryer ndërhyrje kirurgjikale me plastikë lokale për kompensimin e indit të butë.

Sipas tij, gishti do ta ruajë funksionalitetin, megjithëse do të mbetet një dëmtim i caktuar estetik. Foshnja tashmë është lëshuar për trajtim në shtëpi.

Rastin e kanë konfirmuar edhe nga Klinika e Gjinekologjisë dhe Obstetrikës, duke bërë të ditur se ngjarja është evidentuar zyrtarisht si incident i padëshiruar.

Nga klinika njoftojnë se Komisioni i Brendshëm për Cilësi e ka shqyrtuar tashmë rastin, ndërsa është caktuar edhe mbledhja e Komisionit Disiplinor, i cili duhet të përcaktojë plotësisht rrethanat e ngjarjes dhe përgjegjësinë individuale.

Pas përfundimit të procedurës, ndaj përgjegjësve do të ndërmerren masat përkatëse.

Flaka Media

19

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 18 Nëntor, 2026 19:03
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
19

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë