Arbër Ademi: A e dini se pse gënjejnë? Sepse s’kanë rezultate!

Flaka
Botuar nga Flaka 17 Nëntor, 2026 22:02

Arbër Ademi: A e dini se pse gënjejnë? Sepse s’kanë rezultate!

Sekretari i përgjithshëm i BDI-së, Arbër Ademi, ka kritikuar koalicionin VLEN lidhur me përfaqësimin e shqiptarëve në institucionet shtetërore, duke publikuar shifra që, sipas tij, dëshmojnë përfaqësim të pabarabartë në disa institucione gjatë ditëve të fundit.

„A e dini se pse gënjejnë? Dihet! Sepse s’kanë rezultate! Ja një pjesë të ndryshimit që na premtuan”, ka shkruar Ademi, duke iu referuar premtimeve të VLEN-it për përfaqësim të drejtë dhe adekuat.

Sipas të dhënave që ka publikuar Ademi, në nëntë institucione janë evidentuar gjithsej 514 persona, prej të cilëve 496 maqedonas dhe vetëm 18 shqiptarë.

Në listën e tij përfshihen Instituti i Shëndetit Publik, Ministria e Administratës Publike, Agjencia e Kadastrës së Paluajtshmërive, Ministria e Energjetikës, Minierave dhe Lëndëve të Para Minerale, Drejtoria për Mbrojtje dhe Shpëtim, Policia Pyjore, Spitali i Kumanovës, Akademia Ushtarake dhe Agjencia e Ushqimit dhe Veterinarisë.

Ademi ka paraqitur këto shifra për institucionet përkatëse:

  • Instituti i Shëndetit Publik: 60 maqedonas (96.77%) dhe 2 shqiptarë (3.23%).
  • Ministria e Administratës Publike: 11 maqedonas (100%) dhe asnjë shqiptar.
  • Agjencia e Kadastrës së Paluajtshmërive: 9 maqedonas (90%) dhe 1 shqiptar (10%).
  • Ministria e Energjetikës, Minierave dhe Lëndëve të Para Minerale: 4 maqedonas (100%) dhe asnjë shqiptar.
  • Drejtoria për Mbrojtje dhe Shpëtim: 57 maqedonas (100%) dhe asnjë shqiptar.
  • Policia Pyjore: 79 maqedonas (97.53%) dhe 2 shqiptarë (2.47%).
  • Spitali i Kumanovës: 80 maqedonas (100%) dhe asnjë shqiptar.
  • Akademia Ushtarake: 34 maqedonas (100%) dhe asnjë kadet shqiptar.
  • Agjencia e Ushqimit dhe Veterinarisë: 162 maqedonas (92.57%) dhe 13 shqiptarë (7.43%).

„Maqedonas: 496 (96.50%). Shqiptarë: 18 (3.50%). Gjithsej: 514 persona. Marre!”, ka përfunduar reagimin e tij Ademi.

Përmes këtij publikimi, deputeti i BDI-së vë në pikëpyetje zbatimin e parimit të përfaqësimit të drejtë dhe adekuat nga ana e institucioneve nën përgjegjësinë e pushtetit aktual.

Megjithatë, shifrat e publikuara nga Ademi paraqesin pretendimet e tij dhe kërkojnë verifikim të pavarur përmes të dhënave zyrtare të institucioneve përkatëse.

19

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 17 Nëntor, 2026 22:02
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
19

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë