VMRO-DPMNE: Pse LSDM-ja po i shmanget debatit për „Alta Bankën“?
VMRO-DPMNE ka akuzuar LSDM-në se po shmang vazhdimin e debatit mbikëqyrës për „Alta Bankën“, ndonëse më herët vetë partia opozitare kishte kërkuar mbajtjen e tij.
Në një komunikatë partiake, VMRO-DPMNE pretendon se LSDM-ja nuk po e cakton vazhdimin e seancës pasi në opinion dolën informacione për shitjen e aksioneve shtetërore në bankë.
Nga VMRO-DPMNE thonë se LSDM-ja dhe kryetari i saj, Venko Filipçe, kanë kritikuar „Alta Bankën“, por nuk kanë dhënë shpjegime se pse në vitin 2023 nuk e kanë informuar opinionin se aksionet shtetërore do t’u shiteshin Macurës dhe bankës.
„A ka frikë Filipçe se në vazhdimin e debatit mund të zbulohen informacione shtesë?“, pyesin nga partia në pushtet, duke akuzuar LSDM-në se po përpiqet t’i shmanget ballafaqimit me faktet.
VMRO-DPMNE e cilëson fushatën kundër bankës si përplasje politike, pas së cilës, sipas pretendimeve të saj, qëndrojnë edhe interesa biznesore të personave të afërt me partinë opozitare dhe familjen Zaev.
Në komunikatë, partia ka drejtuar akuza edhe ndaj periudhës së qeverisjes së mëparshme të LSDM-së, duke pretenduar se gjatë asaj kohe banka kishin falimentuar dhe ishin mbyllur, ndërsa persona të afërt me pushtetin e atëhershëm ishin pasuruar.
Deri më tani, këto pretendime janë pjesë e reagimit politik të VMRO-DPMNE-së.
Flaka Media














