Konjufca uron Spiropalin: Mezi pres të nisim punën e përbashkët e të thellojmë bashkëpunimin

Kryetari i Kuvendit të Kosovës, Glauk Konjufca ka ururar homologen e  tij nga Shqipëria, Elisa Spiropali e cila sot u zgjodh kryetare e Kuvendit të Shqipërisë.

I pari i Kuvendit Glauk Konjufca ka shkruar në profilin e tij në rrjetin social Facebook, se mezi pret që të nis punën e përbashkët për të vijuar dhe thelluar edhe më tej bashkëpunimin.

“Urimet e mia znj. Elisa Spiropali për zgjedhjen e saj si Kryetare e Kuvendit të Republikës së Shqipërisë. Mezi pres që të nisim punën e përbashkët për të vijuar dhe thelluar edhe më tej bashkëpunimin mes kuvendeve tona, duke i shërbyer interesit të përbashkët të shteteve tona, të qytetarëve tanë dhe popullit tone”, ka shkruar Glauk Konjufca.

Sipas tij Kosova dhe Shqipëria janë pranë njëra-tjetrës në çdo rrethanë e në secilën fushë.

“Republika e Kosovës dhe Republika e Shqipërisë natyrshëm janë pranë njëra-tjetrës në çdo rrethanë e në secilën fushë, duke përfshirë edhe atë politike. Është detyra jonë si politikanë dhe krerë institucionesh që ta vijojmë punën tonë dhe të institucioneve tona në nivel të kësaj natyrshmërie. Jam i bindur se në këto parime do ta kemi të drejtuar bashkëpunimin tonë me znj. Spiropali, si krerë të institucioneve legjislative dhe të gjithë punën që ndërlidhet me këto institucione”, ka shkruar dnër të tjera Glauk Konjufca.

“Punë të mbarë e suksese sa më të mëdha për znj. Elisa Spiropali në këtë detyrë të re e të rëndësishme në krye të Kuvendit të Republikës së Shqipërisë”, ka shkruar ndër të tjera kreu I Kuvendit, Glauk Konjufca.