Do të ndahet Vojvodina, apo Vuçiq po luan bllofin?

Së fundmi, çështja e autonomisë së Vojvodinës ka qenë në qendër të vëmendjes politike në Serbi. Presidenti Aleksandar Vuçiç deklaroi se gjatë këtit dillimviti pritet të prezantohet një “platformë e Vojvodinës”, e cila, sipas tij, synon t’i heqë një pjesë të pushtetit Serbisë në këtë krahinë dhe ta kthejë situatën në gjendjen para “revolucionit të kosit”.

Ai theksoi se kjo iniciativë është një përpjekje për të promovuar politika separatiste brenda Vojvodinës dhe se pas saj qëndron një fushatë më e gjerë rajonale që synon destabilizimin e Serbisë. 

Nga ana tjetër, kritikët e këtyre deklaratave argumentojnë se ato janë përpjekje për të larguar vëmendjen nga protestat dhe bllokadat e studentëve në Novi Sad dhe Beograd.

Dinko Gruhonjiç, gazetar dhe profesor universiteti, beson se Vuçiç po përpiqet të shmangë përgjegjësinë për çështje të tjera duke ngritur këtë temë. Aleksandar Olenik, avokat dhe anëtar i kryesisë së Lidhjes Socialdemokrate të Vojvodinës (LSV), ka deklaruar se çështja e autonomisë së Vojvodinës nuk bie në juridiksionin e presidentit dhe se shumica e qytetarëve të Vojvodinës mbështesin decentralizimin financiar të Serbisë. 

Këto zhvillime tregojnë për një debat të vazhdueshëm mbi shkallën e autonomisë së Vojvodinës dhe rolin e saj brenda Serbisë. (INA)