Gaza në zi – 73 të vrarë gjatë shpërndarjes së ndihmave

Ministria e Shëndetësisë në Gaza ka konfirmuar se të paktën 73 palestinezë janë vrarë më 20 korrik, teksa tentonin të arrinin në qendrat e shpërndarjes së ndihmave humanitare në të gjithë territorin. Në veri të Gazës, 67 viktima u regjistruan pranë kalimit Zikim, një zonë e kontrolluar nga Izraeli, ku dëshmitarët raportojnë se ushtria izraelite ka shtënë drejt turmës.

Më shumë se 150 persona janë plagosur, disa në gjendje kritike. Ende nuk është e qartë nëse vrasjet janë kryer nga forcat izraelite apo nga grupe të armatosura, por dëshmitarët flasin për sulm të drejtpërdrejtë nga ushtria.

Qendrat e ndihmës të mbështetura nga Fondi Humanitar për Gazën (GHF) nuk ishin objektiv i drejtpërdrejtë i sulmit, por raportet të mëparshme kanë dokumentuar qindra viktima gjatë përpjekjeve për të arritur në këto pika shpërndarjeje.

Ndërkohë, Izraeli ka urdhëruar evakuime të reja në pjesën qendrore të Gazës, duke paralajmëruar operacione të reja kundër Hamasit, në një kohë kur bisedimet për armëpushim 60-ditor janë ende në zhvillim.

Sipas Ministrisë së Shëndetësisë në Gaza, më shumë se 58.000 palestinezë janë vrarë që nga tetori 2023, shumica prej tyre civilë, ndërsa 49 pengje nga sulmi i Hamasit më 7 tetor vazhdojnë të mbahen në territor.

Flaka