Nafie Selmani: VLEN-i t’u kërkojë falje fëmijëve të Nerovës për mashtrim, e Meidanit për sulmet
Botuar nga Flaka
Nxënësit shqiptarë të fshatit Nerovë në Komunën e Krushevës nuk e kanë nisur vitin e ri shkollor në objektin e ri, siç ishte premtuar nga përfaqësuesit e VLEN-it, por janë detyruar të vijojnë mësimin në godinën e vjetër, të cilën banorët e quajnë të papërshtatshme dhe të rrezikshme.
Reagimin e saj e shprehu edhe Nafie Selmani, e cila tha se VLEN duhet të mbajë përgjegjësi për premtimet e pambajtura dhe sulmet politike:
“VLEN-i t’u kërkojë falje fëmijëve të Nerovës për mashtrim, e Meidanit për sulmet.”
Ajo shtoi se ky është vetëm një shembull i dështimeve të qeverisjes aktuale:
“Pavarësisht premtimeve publike nga përfaqësues të grupacionit VLEN, nxënësit shqiptarë të fshatit Nerovë në Komunën e Krushevës nuk e kanë nisur vitin e ri shkollor në objektin e ri shkollor, por janë detyruar të vazhdojnë mësimin në godinën e vjetër. Kjo është edhe një dëshmi tjetër e dështimeve të njëpasnjëshme të VLEN-it, i cili, në vend që të punojë për zgjidhjen reale të problemeve jetike të qytetarëve shqiptarë, vazhdon të bëjë politikë me premtime të pambajtura dhe propagandë boshe.” Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
