Tregu i punës në Gjermani: Rekord i punësimit të grupmoshës 55–64 vjeç

Gjermania po përballet me një nga sfidat më serioze demografike dhe ekonomike të dekadave të fundit. Popullsia e saj po plaket me ritme të shpejta dhe kjo po reflektohet drejtpërdrejt në tregun e punës, duke ushtruar presion të madh mbi sistemin e pensioneve.

Sipas të dhënave të publikuara këtë të martë nga Zyra Federale e Statistikave, në vitin 2024 Gjermania kishte rreth 40.9 milionë të punësuar, prej të cilëve 9.8 milionë ishin të moshës 55–64 vjeç. Kjo përfaqëson 24 përqind të forcës punëtore, përqindja më e lartë ndër të gjitha shtetet anëtare të Bashkimit Evropian.

Për krahasim, mesatarja e BE-së për këtë grupmoshë është 20.1 përqind, ndërsa Italia renditet e dyta pas Gjermanisë me 23 përqind. Edhe Bullgaria shënon një nivel të lartë prej 22.3 përqind. Në anën tjetër të listës qëndron Malta, ku vetëm 10.8 përqind e të punësuarve janë mbi 55 vjeç, e ndjekur nga Luksemburgu dhe Polonia.

Dalja në pension po shtyhet gjithnjë e më shumë

Sipas statistikave zyrtare, mosha mesatare e daljes në pension në Gjermani në vitin 2024 ishte 64.7 vjeç, dukshëm më e lartë krahasuar me vitin 2004, kur ishte rreth 63 vjeç. Një nga arsyet kryesore është rritja graduale e moshës ligjore të pensionit në 67 vjeç, e cila pritet të përfundojë në vitin 2029.

Gjithashtu, heqja e disa skemave të pensioneve të hershme ka ndikuar që qytetarët të qëndrojnë më gjatë në tregun e punës. Megjithatë, sistemi i pensioneve po përballet me presion në rritje, për shkak të zvogëlimit të popullsisë në moshë pune.

OECD paralajmëron: Reformat janë të pashmangshme

Organizata për Bashkëpunim Ekonomik dhe Zhvillim (OECD) paralajmëron se Gjermania do të përballet me barrë të konsiderueshme financiare në dekadat e ardhshme. Sipas një studimi të publikuar në fund të vitit 2025, popullsia në moshë pune pritet të tkurret ndjeshëm gjatë 40 viteve të ardhshme.

“Zgjatja e jetës së punës do të jetë çelësi për financimin e pensioneve në të ardhmen”, thekson OECD, duke sugjeruar lidhjen e moshës së daljes në pension me jetëgjatësinë dhe uljen e atraktivitetit të pensioneve të parakohshme.

Ndërkohë, kancelari gjerman Friedrich Merz ka paralajmëruar ndryshime drastike në sistemin e pensioneve, duke sinjalizuar një orientim më të madh drejt skemave private të bazuara në investime kapitale.

Flaka

• 
• 
• 
• 
• 
• 
• 

124

Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?

Duke pasur parasysh dokumentet e viteve 2023 dhe 2025 që lidhen me aksionet e Republikës së Maqedonisë së Veriut në Alta Bankën në Beograd dhe ofertën për blerjen e aksioneve të institucioneve publike, sipas jush, cila qeverisje mban përgjegjësinë politike për ardhjen dhe avancimin e Alta Bankës në tregun e Maqedonisë së Veriut?

Voto dhe shpreh qëndrimin tënd!

Qeverisja aktuale VMRO-VLEN

100

Qeverisja e kaluar LSDM-BDI

9

Nuk kam informacion të mjaftueshëm për të gjykuar

15