Macron: Ende nuk ka kushte për dialog me Putinin, Evropa duhet të unifikojë objektivat

Botuar nga Drin Zenku 13 Shkurt, 2026 19:48

Presidenti i Francës Emmanuel Macron deklaroi se aktualisht nuk ekzistojnë kushtet e duhura për hapjen e një dialogu të ri me presidentin rus Vladimir Putin, duke theksuar se prioritet mbetet koordinimi dhe qartësimi i objektivave mes vendeve evropiane.

Duke folur pas takimit të liderëve të Bashkimit Evropian në Belgjikë, Macron u shpreh se rifillimi i kontakteve direkte me Moskën nuk është çështje ditësh, por kërkon përgatitje të kujdesshme dhe një qasje të përbashkët evropiane.

“Nuk është çështje ditësh, ka përgatitje të përfshira. Ajo që na duhet tani është të punojmë mes vete, mbi atë që duam të kërkojmë”, tha ai para gazetarëve.

Edhe pse në dhjetor kishte njoftuar synimin për të rifilluar shkëmbimet e drejtpërdrejta me Putinin – të pezulluara që prej pushtimit rus të Ukrainës në vitin 2022 – Macron theksoi se çdo hap duhet të jetë i koordinuar me partnerët evropianë.

Sipas tij, Evropa duhet të jetë e përgatitur për momentin e duhur për një diskutim me Rusinë, duke vendosur si prioritet garancitë e sigurisë për Ukrainën, por edhe interesat strategjike të vetë kontinentit.

“Ne duam garanci sigurie për Ukrainën, por duam edhe gjëra për evropianët”, u shpreh presidenti francez, duke përmendur si prioritete prosperitetin, të ardhmen e Evropës dhe arkitekturën e sigurisë në rajon.

Më herët gjatë këtij muaji, Macron dërgoi këshilltarin e tij diplomatik në Moskë për të nisur përgatitjet paraprake për diskutime të mundshme, ndërsa në një intervistë të publikuar së fundmi në disa media evropiane ai theksoi se çdo dialog duhet të jetë “i organizuar mirë” dhe i koordinuar me aleatët.

Flaka

Botuar nga Drin Zenku 13 Shkurt, 2026 19:48

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.