ASK zbulon rrjet iranian në Maqedoninë e Veriut, dyshohet se përgatitte atentat në Greqi

Flaka
Botuar nga Flaka 17 Nëntor, 2026 12:32

ASK zbulon rrjet iranian në Maqedoninë e Veriut, dyshohet se përgatitte atentat në Greqi

Agjencia për Siguri Kombëtare (ASK) ka zbuluar një rrjet personash në Maqedoninë e Veriut, të lidhur me faktorë iranianë, të cilët dyshohet se kanë ndërmarrë aktivitete përgatitore logjistike për realizimin e një sulmi terrorist apo atentati ndaj një personi në Greqi, njofton ASK përmes një emaili të ariturr në redaksinë e Gazetës Flaka. Sipas njoftimit të ASK-së, operacioni është zhvilluar që nga fillimi i vitit 2026, në bashkëpunim me Agjencinë Kombëtare të Inteligjencës së Greqisë dhe shërbime të tjera partnere, si dhe në koordinim me Ministrinë e Punëve të Brendshme dhe Byronë për Siguri Publike.

“Që nga fillimi i vitit 2026, Agjencia, në bashkëpunim me Agjencinë Kombëtare të Inteligjencës së Greqisë dhe shërbime të tjera partnere, si dhe në koordinim me MPB-BPB në nivel kombëtar, ka ndërmarrë aktivitete për zbulimin e qëllimeve dhe planeve të personave të lidhur me faktorë të huaj, përkatësisht iranianë, për kryerjen e akteve terroriste”, thuhet në njoftimin e ASK-së.

Në kuadër të këtyre aktiviteteve, Agjencia thotë se ka zbuluar një rrjet nga Maqedonia e Veriut, të lidhur me shtetasin iranian Edris Jahangiri Mavaneh, i cili, sipas informacioneve të siguruara, ka lidhje me aktorë të tjerë të rrjeteve të ndërmjetme të shërbimeve iraniane të sigurisë dhe inteligjencës, përfshirë edhe bosin e narkotikëve Naji Sharifi Zindashti.

Sa u përket personave nga Maqedonia e Veriut, ASK thekson se bëhet fjalë për individë të përfshirë në struktura kriminale, të cilët, sipas udhëzimeve të drejtpërdrejta të shtetasit iranian, kanë ndërmarrë aktivitete përgatitore logjistike për realizimin e një akti terrorist apo atentati ndaj një personi në Greqi.

“Bëhet fjalë për persona të konsoliduar në struktura kriminale në vend, të cilët, sipas udhëzimeve të drejtpërdrejta të shtetasit iranian, kanë ndërmarrë aktivitete përgatitore logjistike për kryerjen e një akti terrorist/atentati ndaj një personi në Greqi”, thuhet në komunikatë.

Agjencia bën të ditur se, përmes bashkëpunimit dhe shkëmbimit të informacioneve me shërbimet partnere të huaja, është zbuluar mënyra e funksionimit të këtij rrjeti, përfshirë organizimin e takimeve konspirative në territorin e vendeve të treta, ndër të cilat edhe Irani.

Sipas ASK-së, këto aktivitete kanë konfirmuar lidhjet e personave nga vendi me shtetasin iranian, të cilin e cilëson si organizatorin kryesor të aksionit të planifikuar terrorist.

ASK vlerëson se këto lidhje ndërlidhen me përpjekjet e shërbimeve iraniane të inteligjencës për të vepruar përmes rrjeteve kriminale në vende të treta.

“Fakti që gjatë periudhës së kaluar disa vende janë përballur me kërcënime dhe sulme terroriste nga aktorë të ndërmjetëm iranianë, lidhet me përpjekjet e shërbimeve iraniane të inteligjencës për të fshehur veprimtarinë e tyre përmes rrjeteve kriminale në vende të treta, përfshirë edhe Maqedoninë”, thuhet në njoftimin e Agjencisë.

Në fund, ASK thekson se do të vazhdojë aktivitetet për identifikimin dhe parandalimin e kërcënimeve të mundshme terroriste, si dhe për zbulimin e personave të tjerë që mund të jenë të përfshirë në rrjete të lidhura me Iranin.

“Agjencia, në kuadër të kompetencave të saj, mbetet e përkushtuar në ruajtjen e sigurisë kombëtare dhe do të vazhdojë aktivitetet për zbulimin dhe parandalimin e kërcënimeve të mundshme terroriste përmes elementeve ndërmjetëse nga Irani”, përfundon komunikata.

5

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 17 Nëntor, 2026 12:32
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
5

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë