Teuta Arifi në gjykatë për 546 kontratat në vepër, dëshmojnë revizorët e komunës

Flaka
Botuar nga Flaka 17 Nëntor, 2026 18:57

Teuta Arifi në gjykatë për 546 kontratat në vepër, dëshmojnë revizorët e komunës

Ka vazhduar sot procesi gjyqësor ndaj ish-kryetares së Komunës së Tetovës, Teuta Arifi, e cila akuzohet për keqpërdorim të detyrës zyrtare, lidhur me angazhimin e personave përmes kontratave në vepër gjatë kohës sa drejtonte komunën.

Në seancën e sotme janë dëgjuar katër persona të cilët më herët ishin angazhuar me kontrata në vepër në sektorë të ndryshëm të komunës, si dhe tre revizorë të brendshëm të Komunës së Tetovës.

Sipas aktakuzës, e ngritur pas kallëzimit penal të Komunës së Tetovës, Arifi dyshohet se i ka shkaktuar dëm buxhetit komunal në vlerë prej rreth një milion eurosh, përmes lidhjes së gjithsej 546 kontratave në vepër. Nga këto raste, për 268 persona pretendohet se nuk ka pasur raporte për punën e kryer, ndërsa për 248 të tjerë janë evidentuar raporte të tilla.

Gjatë dëshmisë së tyre, revizorët e brendshëm deklaruan se kontrolli ishte realizuar me kërkesë të kryetarit aktual të komunës, Bilall Kasami, gjatë periudhës janar-mars 2022. Ata gjithashtu konfirmuan se angazhimet ishin bërë drejtpërdrejt nga komuna dhe jo përmes ndonjë agjencie ndërmjetësuese.

Mbrojtja, përmes pyetjeve të kryqëzuara, kërkoi sqarime nëse personat e angazhuar me kontrata në vepër kishin detyrim ligjor të kishin një vend pune të përcaktuar dhe orar të fiksuar pune.

Pas përfundimit të seancës, Teuta Arifi u shpreh se nuk ndihet fajtore dhe kritikoi procesin gjyqësor, duke pretenduar se po vihen në bankën e të akuzuarve edhe qytetarë që kanë kryer punë për komunën.

“Është kallëzim penal nga ana e kreut aktual të komunës dhe i dëgjuat dëshmitarët që treguan se kanë shkuar, kanë qenë në vend të punës. Është e ulët, e turpshme që qytetarët e këtij qyteti që kanë bërë një punë, cila qoftë ajo, t’i marrin dhe t’i tërheqin gjyqeve për t’iu marrë deklarata nëpër gjykata”, deklaroi Arifi.

Ajo mohoi se ka vepruar me qëllim të keq, duke theksuar se gjatë mandatit të saj ka synuar të jetë në shërbim të qytetarëve.

“Nuk është problem, unë nuk kam bërë asnjë gabim me tendencë. Kam tentuar gjithnjë të jem ndihmesë e qytetarit tim. Do ta ndiqni procesin dhe besoj se autoritetet gjyqësore do të kenë integritetin të vendosin si duhet për çdo qytetar të këtij shteti”, u shpreh ish-kryetarja e Tetovës.

Seancën e radhës, gjykatësi i lëndës, Rexhep Musa, e caktoi për 1 dhjetor, në orën 10:00. Në këtë seancë pritet të prezantohen provat materiale, si dhe të dëgjohen një dëshmitar dhe një ekspert.

5

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 17 Nëntor, 2026 18:57
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
5

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë