Eddie Howe kërkon energji maksimale dhe mbështetjen e tifozëve ndaj Barcelonës
Botuar nga Drin Zenku
Të martën, Barcelona dhe Newcastle United do të përballen në “St James’ Park” në ndeshjen e parë të raundit të 1/8-ave të Ligës së Kampionëve.
Katalanasit konsiderohen favoritë për të kaluar në çerekfinale, edhe pse Newcastle, pas një sezoni të vështirë në Premierligë dhe eliminimit nga FA Cup nga Manchester City, shpreson që Liga e Kampionëve të jetë shansi i vetëm për sukses këtë sezon.
Trajneri i Newcastle, Eddie Howe, foli pas humbjes së fundit dhe theksoi rëndësinë e ndeshjes:
“Ne kemi ndeshjen më të madhe në historinë tonë në një kohë shumë të shkurtër. Nuk kemi qenë kurrë në këtë pozicion në Ligën e Kampionëve, dhe është kompeticioni më i mirë që ekziston.”
Howe shtoi se tifozët duhet të jenë “lojtar i 12-të”, duke ndihmuar skuadrën të japë më të mirën në një stadium të vështirë si “St James’ Park”:
“Ne kemi nevojë që tifozët të ndiejnë si ne. Duhet të gjejmë energjinë për të ngritur performancën tonë në një nivel që ndoshta nuk e kemi parë këtë sezon, sepse vetëm atëherë mund të kalojmë këtë përballje.”
Barcelona do të jetë pa mbrojtësit titullarë Jules Kounde dhe Alejandro Balde, por do të ketë në dispozicion Lamine Yamal, dhe mund të mbështetet tek fitorja 2-1 e arritur në fazën e grupeve gjatë shtatorit.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
